Апалён Лімасол: кіпрскі футбольны клюб

Заснаваны ў 1954 годзе. Чатырохразовы чэмпіён Кіпру, дзевяціразовы ўладальнік Кубка Кіпру. Акрамя футбольнай дружыны ў структуру клюба ўваходзяць баскетбольная і валейбольная каманды.

Апалён Лімасол
Поўная назва	Απόλλων Λεμεσού
Заснаваны	14 красавіка 1954
Горад	Лімасол, Кіпр
Стадыён	Цырыён Умяшчальнасьць: 13 331
Прэзыдэнт	Нікас Кірзыс[d]
Галоўны трэнэр	Давід Каталя[d]
Чэмпіянат	Першы дывізіён
· 2022—2023	5 месца
Галерэя здымкаў у Вікісховішчы Афіцыйны сайт

У канцы 1953 году талака юнакоў пастанавіла стварыць нацыянальную і спартовую асацыяцыю з мэтай прасоўваньня адукацыі і сацыяльных навычкаў сваіх маладых сяброў. 14 красавіка 1954 году генэральная асамблея сябраў на чале зь іхным лідэрам Хрыстакісам Паўлідэсам прапанавала стварыць спартовую асацыяцыю пад назвай «Апалён». Асамблея ўхваліла прапанову і, такім чынам, ад гэтае даты лічыцца існаваньне клюбу. Першая адміністрацыйная рада каманды ўлучала сакратара, скарбніка і шэраг дарадцаў. Першы сэзон у Другім дывізіёне быў няўдалым, то бок у васьмі матчах клюб усе восем матчаў трываў паразы. У наступным яшчэ ў 1950-х «Апалён» здолеў прабіцца да Першага дывізіёну.

 

Па прасоўваньні ў эліту клюб доўгі час змагаўся толькі за месцы ў сярэдзіне табліцы. Прагрэс намеціўся ў сярэдзіне 1960-х. У 1965 годзе «Апалён» дасягнуў фіналу Кубка Кіпру, аднак тытул здабыла «Амонія», перагуляўшы апалёнцаў зь лікам 5:1. Праз год «Апалён» зноўку дайшоў да фінале і гэтым разам выгуляў кубак, перамогшы «Нэа Саляміну» зь лікам 4:2. У наступным годзе клюб захаваў тытул, абгуляўшы ў фінале 1967 году клюб «Алькі» зь лікам 1:0. Апасьля яшчэ 15 гадоў лімасолцы мусілі чакаць наступных тытулаў. У 1982 годзе ў клюба яшчэ быў шанец на перамогу, але ў фінальным двубою мацней за «Апалён» была «Амонія». У 1986 годзе айчынны кубак скарыўся «Апалёну», то бок у фінале быў перагуляны АПОЭЛ зь лікам 2:0.

У чэмпіянаце Кіпру ўвесь гэты час гульня ў клюба не складвалася. Усё зьмянілася з прызначэньнем нямецкага трэнэра Дытэльма Фэрнэра. Немец усталяваў дысцыпліну і культываваў працавітасьць. Ён здолеў спалучыць імпэт і здольнасьці маладых таленавітых футбалістаў з досьведам знаных футбалістаў, стварыўшы каманду, падрыхтаваную да змаганьня за першы радок. Такім чынам, у сэзоне 1990—1991 гадоў клюб упершыню здабыў перамогу ў чэмпіянаце краіны. У наступныя гады «Апалён» яшчэ здабыў некалькі тытулаў.

Актуальны на 11 лютага 2024 году

№ Пазыцыя Імя Год нараджэньня 2   Аб Гадсўіл Экпола 1995 3   Аб Ёрген Шэльвік 1991 4   Аб Захарыяс Адані 1999 5   Аб Мат’е Пэйбэрнь 1990 8   ПА Эліел Пэрэц 1996 11   Нап Міхаэль Крмэнчык 1993 13   Аб Бруну Сантус 1993 14   Аб Ёргас Малекідыс 1997 18   Нап Анхэлё Сагаль 1993 19   Нап Ёргас Пантыку 2003 20   ПА Даніла Шполярыч 1999 22   Аб Марыё Юрчавіч 1995 25   ПА Харалямбас Кірыяку (капітан) 1995 26   ПА Андрэй Арцян 1993 27   Аб Тэндаі Дарыква 1991

№ Пазыцыя Імя Год нараджэньня 28   ПА Мат’ё Вальбуэна 1984 29   Нап Валянтын Кастаке 1998 30   Аб Андрэас Панаёту 1995 31   Бр Канстантынас Стыліяну 2004 41   Бр Пэтэр Леэўвэнбург 1994 43   Нап Пэдру Маркеш (ар. НЭК) 1998 73   Аб Тэодарас Хрысастому 2003 75   ПА Сатырыс Фоці 2004 76   Нап Сабас Сафаклеўс 2006 77   ПА Ісраэль Коль 1993 78   Бр Ёргас Ляізу 1992 79   ПА Олівэр Робінсан 2005 90   Нап Мушага Бакенга 1992 99   Бр Дымітрыс Дымітрыю 1999

• Афіцыйны сайт