Unibersidad Estatal Kan Sentral Bikol Sa Agrikultura
An Unibersidad Estatal kan Sentral Bikol sa Agrikultura (Ingles: Central Bicol State University of Agriculture) na inaapod man sa akronimong CBSUA, iyo sarong pang-estadong unibersidad sa probinsya nin Camarines Sur, Filipinas asin iyo an sentrong panrehiyon sa halangkaw na pagkanood para sa agrikultura sa Rehiyon Bikol.
Unibersidad Estatal kan Sentral Bikol sa Agrikultura (CBSUA)
Dating ngaran
Camarines Sur Agricultural School (1918) Camarines Sur Agricultural High School (1923) Camarines Sur Regional Agricultural School (1954) Camarines Sur Agricultural College Camarines Sur State Agricultural College Central Bicol State University of Agriculture (presente)
Motto
Excellence in Agriculture and Industrial Technology (Ingles)
Namokna kan taon 1918, an unibersidad ngunyan akreditado bilang SUC level IV asin ISO 9001:2015. An pangenot na kampus kaini iyo yaon sa kapitolyo-banwaan kan Pili, asin an ibang mga kampus yaon sa Pasacao, Sipocot, asin Calabanga.
Namuknâ an paadalan kan taon 1918 bilang Camarines Sur Agricultural School asin nag-alok nin mga kurso sa modernong pag-uma para sa kalalakihan. Nagin ining Camarines Sur Agricultural High School kan 1925 sa pangangataman kan probinsya.
Ipinairarom liwat ini sa nasyonal na pangangataman kan Hunyo 4, 1948 sa paagi kan Akta Republika 303. Ini pinangaranan na Camarines Sur Regional Agricultural School kan 1954 huli kan R.A. 1089, asin huli kan CY 1960 General Appropriations Act, nagin ining Camarines Sur Agricultural College.
An nagligad na Camarines Sur State Agricultural College (CSSAC) nagin Central Bicol State University of Agriculture (CBSUA) kan mapirmahan an Akta Republika 9717 ni PresidenteGloria Macapagal-Arroyo kan Oktobre 12, 2009.
Sa ngunyan, sakop kan eskwelahan an pitong gatos tulompulo may anom (736) na ektarya kadagaan sa kampus kaini sa banwaan nin Pili, Camarines Sur.
Mga Opisyal nin Student Body Government kan Camarines Agricultural High School Ikaduwang Semestre 1951-1952
Retrato kan mga opisyal nin Student Body Government kan Camarines Sur Agricultural High School kaidtong 1950
Retratong pangklase kan mga naggradwar asin miyembro nin faculty kan Camarines Sur Agricultural High School kaidtong 1948
An mga opisyal asin delegado sa 'Workshop on Farm Mechanics' kaiba an representante hali sa IH pakatapos kan demonstrasyon kan tractor-plowing na isinagibo kaidtong Marso 4, 1964
Mga Programang Pang-akademiko
Mga Gradwadong Programa
Doktor kan Pilosopiya sa Development Education (Ph.D in Dev.Ed)
Doktor kan Pilosopiya sa Plant Science (Ph.D. in PS),
Master kan Siyensya sa Agricultural Education (MSAgEd)
Master kan Siyensya sa Agricultural Extension (MSAgExt)
Master kan Siyensya sa Animal Science (MSAS)
Master kan Siyensya sa Plant Science (MSPS)
Master kan Siyensya sa Plant Protection (MSPP)
Master kan Siyensya sa Resource Management (MSRM)
Master kan Siyensya sa Disaster-Risk Management (MSDRM)
Diploma sa Disaster Risk Management (DDRM)
Diploma sa Cooperatives Management (DCM)
Kolehiyo kan Agrikultura asin Rekursos Natural
Batsilyer kan Siyensya sa Agrikultura (BSA)
Mayor sa:
Agronomiya
Pang-uma na Sistema
Hortikultura
Agrikultural na Ekstensyon
Batsilyer kan Siyensya sa Agrikultura (BSA) - Heneral na Kurikulum
Mayor sa:
Agronomiya
Agrikultural na Ekonomiya
Agricultural Extension
Pang-hayop na Siyensya
Entomolohiya
Pang-uma na Sistema
Heneral na Kurikulum
Hortikultura
Pangtanum na Patolohiya
Pangdaga na Siyensya
Batsilyer sa Agricultural Technology (BAT) - Ladderized Program
Batsilyer kan Siyensya sa Agrikultura (BSA)
Mayor sa:
Panghayop na Siyensya
Entomolohiya
Pangtanum na Patolohiya
Pangdaga na Siyensya
Batsilyer kan Siyensya sa Agroforestry (BSAF)
Kolehiyo kan Arte asin Siyensya
Departamentos:
Departamento kan Humanidades (DHu),
Departamento kan Natural and Applied Sciences (DNAS)
Departamento kan Physical Education (DPE).
Mga inaalok na kurso:
Batsilyer kan Siyensya sa Environmental Science (BSES)
Pinopoonan an artikulong ini. Makakatabang ka sa Bikol Wikipedia sa pagparambong kaining pahina.
This article uses material from the Wikipedia Bikol article Unibersidad Estatal kan Sentral Bikol sa Agrikultura, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.