An Metro Naga Sports Complex sarong estruktura sa Barangay Pacol, Siyudad nin Naga na nalaklak sa sampolong ektaryang espasyo kun saen pwedeng gibohon an mga aktibidad asin kasibotan sa isports.
Igwa ini nin mga pasilidad arog kan rubberized track oval na 400 metro sa libot, grandstand na natukaw 15,000 katawo, baseball court, softball field asin tennis court. Igwa man ini nin mga air-conditioned asin ordinaryong mga kwartong paarkilahan. Sa atubangan kan Complex mahiwas an paradahan nin mga behikulo asin an kabanga kan sirong kan grandstand kaini gamit kan Naga City Children's Home. Igwang dakulang swimming pool, sukol sa Olympikong langoyan, ini alagad sa presente dai pinapagamit huli gayod sa gasto sa operasyon.
Pigtugdok kan taon 1997, ini nagamit na sa Palarong Pambansa kan mga taon 1997, 2004 asin 2007. Siring man kan 1999, igdi man ginibo an Palarong Bicol.
This article uses material from the Wikipedia Bikol article Metro Naga Sports Complex, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.