Kris Kovick

Namundag si Kovick sa Fresno, California asin naglaog sa Estadong Unibersidad kan California kan amay na 1970s, luminipat sa Seattle nin mga limang taon, dangan nagtunong na sa San Francisco kan 1980. Duman sa San Francisco, nakaistar siya sa Bernal Heights neighborhood, kun sain nagin bantog siya sa kaapudan na "An Alkalde kan Dalan nin Norwich", sarong take-off sa gaha kan aktibista kan San Francisco na si Harvey Milk na "An Alkalde kan Dalan na Castro". Sa San Francisco, nagtrabaho siya bilang sarong operator kan etcher asin scanner para sa sarong kumpanya nin imprintahan — asin siya an kainot-inutan na babaye na bagong miyembro kan unipormasyong pangkalakalan sa Amihanan-Solnopan nin Pasipiko.

Midbid si Kovick na sarong parakarton sa papanay o lesbian asin pemenistang mga publikasyon. An saiyang libro kan mga sanaysay asin mga karton na What I Love About Lesbian Politics Is Arguing With People I Agree With naipublikar kadtong 1991 kan Alyson Books. An saiyang mga sinururat asin mga karton naipublikar man sa mga antolohiya arog kan Glibquips: Funny Words by Funny Women, asin sa mga publikasyon nin LGBT arog sana kan OUT/LOOK, an San Francisco Bay Times asin Gay Comics. Katood si Kovick kan lain pang mga parasurat asin mga parakarton arog sana kan kulomnista nin pakikidurog na si Susie Bright, asin parakarton na si Alison Bechdel, an paraobra sa likod kan bantog na mga seryo nin "Dykes to Watch Out For", na nagpagirumdom ki Kovick sa pormang karton kan 2008.

Midbid man si Kovick bilang parasurat asin perpormer. Kredito siya sa pagpaluwas nin mga tagpo nin pigtataram na tataramon nin papanay sa San Francisco. Nagsagibo siys nin pambulanbulan na mga pambangging mga pagtatanghal sa Bearded Lady Cafe kan Red Dora poon 1991 sagkod 1993, asin nagpadagos an pagganap para sa mga taon na nagsurunod. Sa sarong bantog na pagganap sa lokal, siya an nangasiwa sa mock-wedding kan mga drag performer na si Elvis Herselvis asin Justin Bond.

Pangnasyon siyang naglibot kaiba an Sister Spit, sarong grupo nin mga babayeng parasurat na nag-iba man nin mga galang na kag-mukna arog ninda Michelle Tea, Eileen Myles, Lynn Breedlove, Sini Anderson asin iba pa. In 2000, she founded a reading series at the Jon Sims Center for the Performing Arts, called "San Francisco in Exile." Selected performances from the San Francisco in Exile series are archived on the internet.

Natigbak siya sa kanser sa suso sa edad na 50 kan 2001.

Kan 2005, nagin subheto si Kovick sa sarong halipot na dokumentaryo kan direktor na Silas Howard na pigtituluhan na "What I Love About Dying," na kun sain pigpadalan sa Kapistahan nin Pelikula kan Sundance.