I. M. Kadri

Kadri (namundag, Desyembre 1, 1929) sarong arkitektong Indyano, inhenyero sibil, asin kagtugdas kan I.M.K Architects sa siyudad nin Mumbai, Indya. Siya mayor na pigura sa pag'ambag nin mga bantog-kinaban na mga edipisyo sa magkapirang mga syudad sa Indya, Estados Unidos, Rusya, Tangang Subangan, Hong Kong asin kun saen-saen.

Iftikhar M. Kadri
Kamundagan	1929 (edad 94–95)
Nasyunalidad	Indyano
Websityo
http://www.imkarchitects.com/

Si I.M. Kadri namundag sa Ahmedabad kan 1929. Siya nag'atender sa Jamia Millia Islamia na Unibersidad sa Delhi asin natapos niya an kursong inhenyero sibil na may onra sa Engineering College of the University of Pune kan 1953.

Pakagradwar, inagom niya si Vipula Kadri na sarong social worker na taga Karachi, asin sinda nag'estar sa New Delhi. Igwa siyang sarong aking lalaki, si arkitekto Rahul Kadri na iyo man an prinsipal na arkitekto asin direktor sa IMK Architects, asin igwa siyang duwang aking babae, si Isha Mehra saka si Mana Shetty (agom ni Sunil Shetty).

 

Si Kadri nagpoon kan saiyang praktis arkitektural sa I.M. Kadri Architects kan 1958 sa Churchgate, Mumbai. Kan 1971, pinalakbang niya an praktis ta nagkaag siya saro pang kompanya na an pangaran Kadri Consultants Private Limited na an payong opisina sa Mumbai na may mga sanga pa sa Bengaluru asin Muscat.

Kan mga 1960, an I.M. Kadri napili kan mga pamayo nin Hilton na iyo an arkitekto matugdok kan pigbabana-bana na Bombay Hilton hotel sa Worli, Mumbai, asin ta siya pinalibot sa mga hotel kan Hilton sa bilog na mundo ta adalan mga desenyo kaini. Alagad, an Bombay Hilton Hotel dai napadagos itugdok asin imbes si Kadri nagdesnyo nin mga hotel sa Indya kan mga 1970 asin 1980, kabali mga Taj hotel na nag'aayog sa mga Taj hotel tinugdok kan panahon na idto arog kan Taj Mahal (Mansingh) asin mga Taj Palace Hotel sa New Delhi.

Mga nauunabihan na mga edipisyo pigdesenyo ni Kadri kabarali an Shivsagar Estate, Nehru Center, Ceat Mahal, Happy Home and School for the Blind and Otter’s Club in Mumbai.

An Gobyerno nin Maharashtra, sa pagmidbid kan saiyang kadakul na mga tabang sa komunidad, pignombrahan si I.M. Kadri komo Sheriff nin Bombay para sa termino nin 1994. An Gobyerno nin Maharashtra pignombrahan pa siyang myembro kan Steering Committee on Slums kan taon 1981, asin myembro kan Executive Committee of the Bombay Metropolitan Region Development Authority kan 1994.

Siya nagserbi komo bise-presidente sa Board for the Citizens for Justice and Peace (CJP) na binilog kan 2002 sa pagpaorog kan maray na iribihan sa komunidad sa India.

Kan 2016, an Niyogi Publications pigpublikar saiyang libro, The Architecture of I.M.Kadri.

Mga Impluwensya sa arkitektura

Sa hubin pang edad, si I.M. Kadri haros naimpluwensya kan palibot kan inesteran niyang Diwan's Bungalow. An residen sya igwang hardin, terasa asin tarakod-takod na biswal na mga tanawon asin namugtak sa lumaon nang malapalasyong haveli sa historikal na lugar nin Ahmedabad. Si Kadri pigsambit an Mughal Architecture asin calligraphy bilang impluwensya, na nahihiling man sa mga proyekto niya.

1. Brighton, Mumbai, 1959
2. Islam Gymkhana, Mumbai, 1963
3. Shivsagar Estate, Mumbai, 1967
4. Jeevan Manek for the Great Eastern Shipping Co. Ltd, Mumbai, 1968
5. Otters Club, Mumbai, 1973
6. Happy Home School for the Blind, Mumbai, 1971
7. Lake Palace Hotel, Udaipur, 1972
8. Fort Aguada Beach Resort, Goa, 1973
9. Taj Coromandel for Oriental Hotels Ltd, Chennai, 1974
10. CEAT Mahal, Mumbai, 1974
11. Hoechst House, Mumbai, 1975
12. Swapnalok, Mumbai, 1978
13. Taj Mahal (Mansingh) Hotel, New Delhi, 1979
14. Kashmir University Projects, Srinagar, 1980
15. Nehru Centre, Mumbai, 1982
16. Taj Palace Hotel, New Delhi, 1982
17. Taj Krishna Palace, Hyderabad, 1984
18. Tata Fertilizers Ltd, Babrala, 1984
19. Kowloon Mosque, Hong Kong, 1984
20. The Oberoi Hotel, Bangalore 1986 &1996
21. Haj House, Mumbai 1987
22. Haveli House, Mumbai 1989
23. Sahyadri Guest House, Mumbai 1991
24. Owaisi Teaching Hospital, Hyderabad 1996
25. Sona College of Technology, Salem 1997
26. Breach Candy Hospital & Research Centre, Mumbai 1998
27. National Judicial Academy, Bhopal 2005
28. Ramada Hotel, Dubai 2006

1. 1970, Imbitado kan Gobyerno nin Iran na magrepresentar kan Indya sa Panel of ‘World Architect’s Conference' ginibo sa Isfahan.
2. Siya nagsirbe komo myembro kan sa Joint Committee on Tall Building, Lehigh University, USA ma inamaan kan UNESCO.
3. 1979, Internasyunasl na pagmidbid kan siya napabali sa  World Biographies of "Who's Who in the World Fourth Edition, published by Marquis Who's Who Inc., Leading Biographical Reference Publisher, Chicago.
4. 1981, An Gobyerno nin Maharashtra pignombrahan siyang Myembro sa Steering Committee on Slums.
5. An pinakahalangkaw na salming na mural, 135 pye an langkaw, sa Hotel Ramada sa Dubai, nagkurit nin entri ki Kadri sa Guinness Book of Records.
6. International Biographical Centre, Cambridge, England, sa Ikapitong edisyon kaini, nasasambitan siya bilang saro sa "Men of Achievements".
7. 1993, An Institution of Engineers, India, naggawad ki I.M. Kadri nin sarong pagmidbid bilang Outstanding Architectural Engineer.
8. 1994, An Gobyerno nin Maharashtra pignombrahan siya komo Sheriff of Bombay sa pagbisto kan saiyang mahiwas na tabang sa komunidad.
9. 1994, An Gobyerno nin Maharashtra pignombrahan bilang Myembro kan Executive Committee of the Bombay Metropolitan Region Development Authority.
10. Nanggana siya sa Best Design Award sa International Competition for the “Kowloon Mosque” sa Hong Kong.
11. 2021, Awarded the Sir Mokshagundam Visvesvaraya Trophy, Lifetime Achievement Award at the 12th CIDC Vishwakarma Awards 2021.