Si Alonso Cano o Alonzo Cano (19 Marso 1601 – 3 Septyembre 1667) sarong Espanyol na pintor, arkitekto, asin iskultor.
Siya namundag sa Granada.
Siya nakanood nin arkitektura sa saiyang ama na si Miguel Cano; nagpipintura sa akademya nin Juan del Castillo, asin pa ki Francisco Pacheco an maestro ni Velázquez; siya nakanood man nin iskultura ki Juan Martínez Montañés. Komo sarong iskultor, an bantogan na mga obra niya iyo an Madonna and Child sa simbahan nin Lebrija (inaapod man Nebrija), an mga higanteng pigura ni San Pedro asin ni San Pablo.
Siya enot ginibong arkitekto real, asin pintor ni Felipe IV, asin maestro sa prinsipe, si Balthasar Charles, Prinsipe nin Asturias. An Hade tina'wan siya nin katongdan bilang sarong kanon kan Granada Cathedral (1652), ngani magin sarong mayor na arkitekto sa katedral, kun saen an mayor niyang naginibohan iyo an paghaman kan surungan kan katedral, na saiyang pigdesenyo naghihinapos kan saiyang buhay asin nagibo an desenyo niya paqkagadan na niya.[nangangaipo nin toltolan]
Siya daa bantog na marhay kan saiyang dai mapugol na pagbuburuka; sarong beses daa ikinaag niya sa peligro saiyang buhay kan bigla pigrunot niya an estatuwa nin sarong santo ta dai niya nagusto si presyo kan pagbakal kaini kan saiyang sinugo. Susog sa sarong istorya, nakua niya an saiyang harong linaog asin hinabonan, an saiyang agom gadan asin nagdulag an saiyang surogoon na Italyano. Alagad an mga mahistrado pigkondenar siya ta araram an saiyang maringis asin maimon na disposisyon. Huli kaini, siya duminulag pasiring sa Valencia, pero nagbalik giraray sa Madrid, kun saen siya kinastigo alagad mayo siyang itinuga o nag'ako nin pagkakasala. An hade inako man giraray siya sa marhay na boot.
Pakagadan kan saiyang agom siya naglaog sa pagkapadi' bilang proteksyon sa ano pa man na prosekusyon, asin siya nagpadagos kan saiyang karera bilang arkitekto asin pintor. Nagadan siya kan 1667. Sa saiyang mga ultimong hinangos, kan an padi ipinahiling saiya an krusipiho, sinabihan niya an padi na irayo ini ta mayong gayon an pagkaporma asin pagkagibo. Susog sa Catholic Encyclopedia, an naghihingagdan na Cano nagsayuma kan Sakramento sa padi. Posible ining mga uru-osipon bakong totoo siring sa dakul na mga urusipon manongod kan saiyang buhay asin pagkamainiton an payo.[nangangaipo nin toltolan]
Mga obra
Mga trabaho ni Cano sa Prado Museum nin Madrid kabarali an minasunod:
An Wiki Commons igwa nin medya dapit sa Alonso Cano. |
This article uses material from the Wikipedia Bikol article Alonso Cano, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.