Palonguos Uora Ousts
Palonguos uora ousts (IATA kuods PLQ) īr dėdliausės terptautėnės uora ousts Žemaitėjuo.
Palonguos uora ousts īr ož 32 km nu Klaipiedas ė ož 17 km Kretingas miesta centra. Uora ousts infrastroktūra tink aptarnautė vėdotėnius ė mažus uorlaivius. Tarptautėnis Palongos uora ousts īr itraukts i Lietovuos naciuonalėnė transpuorta plietruos ė Transpuorta investėcėju puoreikiu ivertėnėma (TINA) pruogramas.
Istuorėjė
Palonguos aeruodruoms pradejė fonkcėjuonoutė 1937 m. Ėš pradiu ėkorts laukūs šalėp vėiškele Palonga–Darbienā, katrie 1975–1990 m. bova apėbūdavuotė gīvenamāsēs bodīnkās.
1939 m. atėdarīts pėrmas Lietovuo regolēros uora maršrots Kauns–Palonga.
1963 m. ikorts Palonguos cėvėlėnis uora ousts, aptarnavės skrīdios i Vėlniu, Maskva ė šmuota kėtū TSRS miestū.
1991 m. ikorta valstībės imuonė „Palangos oro uostas“.
1998 m. rekonstroutė uorlaiviu stuoviejėma peruons ė riediejėma taks.
2006 m. pradieta dėrbtė nauja tūpėmo-kėlėma taka rekuonstrokcėjė.
2007 m. spalė 26 d. atėdarīts naus kelėiviu termėnals, atėtėnkontės Šengena sosėtarėma rēkalavėmos. 2011 m. atlėkts kelėiviu termėnala praplėitėms ė rekuonstrokcėjė.
Statėstėka
Aptarnautu kelėiviu statėstėka
| Metā | Aptarnauti kelėivē | Pasėkėitėms |
|---|---|---|
| 2001 | 45660 | |
| 2002 | 45971 | +0,7 % |
| 2003 | 46666 | +1,5 % |
| 2004 | 76020 | +62,9 % |
| 2005 | 94000 | +23,7 % |
| 2006 | 110828 | +17,9 % |
| 2007 | 93379 | -15,7 % |
| 2008 | 101586 | +8,8 % |
| 2009 | 104600 | +3,0 % |
| 2010 | 102528 | |
| 2011 | 111133 | +8,0 % |
| 2012 | 128169 | +15,3 % |
Uora lėnėjės ė skrīdėmā
Ėš Palonguos galėm tėisē skrėst:
- Rīga (skrend Air Baltic),
- Kuopenhaga (skrend SAS),
- Uosla, Bergena, Stuokhuolma, Kuopenhaga (skrend Norwegian),
- Varšova (skrend LOT),
- Luonduona (skrend WizzAir ė Ryanair),
- Doblėna, (skrend Ryanair)
- Minska (vasaras gadīnie),
- Maskva (vasaras gadīnie).
Nūruodas
This article uses material from the Wikipedia Žemaitėška article Palonguos uora ousts, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Torėnīs pateikts so CC BY-SA 4.0 lėcencėjė, jēgo nie parašīta kėtāp. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Žemaitėška (DUHOCTRUNGQUOC.VN) is an independent company and has no affiliation with Wiki Foundation.