Estėjės respoblėka īr šalės Šiaurės rītu Euruopuo.
Eesti Vabariik | |||||
| |||||
| |||||
Valstībėnė kalba | Estu | ||||
Suostėnė | Talins | ||||
Dėdliausis miests | Talins | ||||
Valstībės vaduovā | Kersti Kaljulaid Prezidėnts Kaja Kallas Ministrė pėrmėninkė | ||||
Pluots - Ėš vėsa - % ondėns | 45 226 km² (129) 4,56% / nie doumenū | ||||
Gīventuoju - 2010 sausis (progn.) - Tonkoms | 1 340 0213 (147) 29 žm./km² (140) | ||||
BVP - Ėš vėsa - BVP gīvėntuojou | 2005 (progn.) 21,92 mlrd. $ (106) 16 400 $ (43) | ||||
Valiota | Eurs | ||||
Čiesa zuona - Vasaras čiesos | UTC +2 UTC +3 | ||||
Naprīgolnoms Paskelbta Pripažėnta SSRS okupacėjė Atgauta | nū Rosėjės 1918 m. vasarė 24 d. 1920 m. vasarė 2 d. 1940 m. bėrželė 16 d. 1991 m. rogpjūtė 20 d. | ||||
Interneta kuods | .EE | ||||
Šalėis tel. kuods | 372 |
Robežioujas so Baltėjės jūra, Latvėjė ė Rosėjė. Bėndra sausomuos robežiaus ėlgoms - 633 km.
Estėjė jau XII omžiou bova vadėnama estu gentėis apgīvendinta terituorėjė, katron sodarė 8 žemės. Krīžiaus žīgiū Pabaltie pasekuo Estėjė palėka padalėnta. Pėitėnė Estėjė iējė i Livonėjės ordina, vuo šiaurėnė Estėjė lėgė 1346 metu prigolė Danėjē. katra pu estu sokėlėma perdavė anou Teutuonu ordinou. Vieliau Estėjė prigolė Lėnkėjės-Lietovuos respoblėkā, Rosėjės imperėjē.
1918 metu vasarė 24 dėina Estėjė paskelbė liousoma. Prasėdiejos ontrai svieta vainā Estėjė bova okupouta SSRS ėr ėšbova anuos sodietie ligė pat 1991 metu.
Estėjė īr konstėtocėnė demuokratėjė, so vėinu rūmu parlamento renkamo prezidėnto. Prezidėnta 5 metū kadencėjē renk parlamėntėnė 2/3 daugoma. Glabna prezidėnta funkcėjė - ministra pėrmėninka paskīrėms, katron tvėrtėn parlamėnts.
Istatīmu vīkduomuojė valdė sodara premjierministros ė 14 mėnėstru.
Istatīmu leidamuojė valdė prigol vėinu rūmu parlamėntou, vadėnamam Riigikogo. Anam īr 101 narīs. Parlamėnta narē renkamė ketoriū metu kadencėjē.
Aukštiausis teismos īr vadėnams Riigikohus, katram īr 17 teisieju so parlamėnta ligė gīvuos galvuos skėramo pėrmėninko.
Estėjė īr mėškėnga šalės, mėškā dėng aple 61% šalėis terituorėjes. Klimats - vėdotėnis driegnos. Dėdliausis ežers - Peipos. Ėlgiausė opė - Emajuogis, katruos ėlgoms 218 km. Estėjē prigol tēpuogė kelets šalėp asontiu salū, ėš katrū dėdliausė - Sarema. Aukščiausė vėita - Munamiag kalns (318 m).
Estėjės statistikas doumenėm, 2018 metu sausė 1 dėina Estėjės tautėnė gīvėntuoju sodietės bova:
Šalie gīven nemažā žmuoniū, katrėi tor Rosėjes pėlėitībė.
Estėjė terp Baltėjės šaliū īr patīrosi mažiausi gīvėntuoju somažiejėma, līgėnont so 1989 m.
Estėjės akuonuomėka īr pakankamā magtīnga ė geram stuovie. Šalės sogeb pritrauktė šmuota investėcėju ėš ožrobežė. Vīkst gera prekība so šiaurės Euruopas šalėm, klest infuormacėniu teknoluogėju sektuorios. Žmuoniu pragīvenėma līgis īr geriausės terp Baltėjės valstībiu. Šalės tor mėnka skuola ožsėiniou. Darba jiega gerā apmuokinta ė kvalėpėkouta. Šalės bova pėrma ėš Baltėjės šaliu, pradiejosė nauduotė eura.
Estėjė īr soskėrstīta i 15 apskrėtiu (maakond), vuo anie – i valdas (vald).
Estėjės apskrėtīs (ožvadėnėmā palē Euruopas vėituovardiu žuodīna):
Apskrėtės | Admėnėstracėni cėntros | Apskrėtėis Ožvadėnėms estėškā | |
---|---|---|---|
Harjuma | Talins | Harju | |
Hyjuma | Kerdla | Hiiu | |
Jegevama | Jegeva | Jõgeva | |
Jervama | Paidė | Järva | |
Lenema | Hapsalu | Lääne | |
Pelvama | Pelva | Põlva | |
Pernuma | Pernu | Pärnu | |
Raplama | Rapla | Rapla | |
Rītū Viruma | Jehvis | Ida-Viru | |
Sarema | Koresarė | Saare | |
Tartuma | Tartu | Tartu | |
Vakarū Vėroma | Rakverė | Lääne-Viru | |
Valgama | Valga | Valga | |
Veruma | Veru | Võru | |
Viljandima | Viljandis | Viljandi |
Religėngu gīventuoju šmuots nier dėdlis. Tonkiausē estā naprigol juokē konfesėjē. Aple 32% gīvėntuojū priskėr savi tam tėkrā konfesėjē.
Daugiausė ėš anū īr evangelikā-liuteruonā.
Žemīnā |
Antarktėda | Afrėka | Australėjė ėr Okeanėjė | Azėjė | Euruopa | Pėitū Amerėka | Šiaurės Amerėka |
Airėjė | Albanėjė | Andora | Armienėjė | Austrėjė | Azėrbaidžians | Baltarosėjė | Belgėjė | Bosnėjė ėr Hercuogovėna | Bulgarėjė | Čekėjė | Danėjė | Estėjė | Graikėjė | Grozėjė | Islandėjė | Ispanėjė | Italėjė | Jongtėnė Karalīstė | Joudkalnėjė | Kėpros | Kroatėjė | Latvėjė | Lėnkėjė | Lichtenštėins | Lietova | Lioksemborgs | Malta | Moldavėjė | Muonaks | Nīderlandā | Norvegėjė | Portugalėjė | Prancūzėjė | Romonėjė | Rosėjė | San Marins | Serbėjė | Slovakėjė | Slovienėjė | Soumėjė | Šiaurės Makeduonėjė | Švedėjė | Šveicarėjė | Torkėjė | Okraina | Vatikans | Vengrėjė | Vuokītėjė |
This article uses material from the Wikipedia Žemaitėška article Estėjė, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Torėnīs pateikts so CC BY-SA 4.0 lėcencėjė, jēgo nie parašīta kėtāp. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Žemaitėška (DUHOCTRUNGQUOC.VN) is an independent company and has no affiliation with Wiki Foundation.