Урал аръяғы агросәнәғәт колледжының Иҫке Собханғол филиалы — Башҡортостан Республикаһы Бөрйән районы Иҫке Собханғол ауылында урынлашҡан уҡыу йорто
Урал аръяғы агросәнәғәт колледжының Иҫке Собханғол филиалы | |
Нигеҙләнгән | 1984 |
---|---|
Директор | Юлсурин Таһир Йәноҙаҡ улы (1997 йылдан) |
Адресы | Рәсәй Федерацияһы, Башҡортостан Бөрйән районы, Иҫке Собханғол ауылы |
Уҡыу йорто 1984 йылда Учалы һөнәри техник училищеһының филиалы булараҡ барлыҡҡа килә. Училище ойошторолғандан алып бер нисә тапҡыр үҙгәртеп ҡорола.
Асылғандан алып белем биреү учреждениеһы 22 төрлө эшсе һөнәрҙәре буйынса 9590-дан ашыу эшсе кадрҙар сығарған (2022 йылға ҡарата)
Колледжда уҡыу процесы квалификациялы эшсе кадрҙарҙы сифатлы әҙерләү, уҡыусыларға рухи-әхлаҡи тәрбиә биреү маҡсатында алып барыла. Уҡытыу ауыл хужалығы производствоһында һәм башҡа тармаҡтарҙа талап ителгән һөнәрҙәр буйынса алып барыла.
Колледждың филиалында 4 һөнәр буйынса уҡыу ойошторолған:
Теләге булғандарға электр һәм газ менән иретеп йәбештереүсе һөнәре алыу мөмкинлеге бар. Көндөҙгө бүлектең бөтә төркөмдәрендә лә «В» категорияһындағы водитель һөнәренә уҡытыу алып барыла.
Уҡыусылар кәрәкле технологик ҡорамалдар менән йыһазландырылған уҡыу-етештереү оҫтаханаларында белем ала. Улар производство практикаһын Бөрйән, Белорет райондары хужалыҡтарында һәм предприятиеларында үтә. Уны тамамлаусылар эшкә урынлаша һәм үҙ һөнәре буйынса уңышлы эшләй.
2017 йылдан колледж филиалы Wordskills төбәк беренселегендә ҡатнаша. Был конкурста «Автомеханик» төркөмө студенты Бикишев Илһам Ишмырҙа улы «Еңел автомобиль ҡоролошо һәм техник хеҙмәтләндереү» компетенцияһы буйынса икенсе урын, «Ағастан художестволы изделиелар эшләү» төркөмөнән Зәйнетдинов Илнур Рәшит улы «Таш юныу эше» компетенцияһы буйынса өсөнсө урын яулай.
This article uses material from the Wikipedia Башҡорт article Урал аръяғы агросәнәғәт колледжының Иҫке Собханғол филиалы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башҡа шарт булмаһа, CC BY-SA 4.0 лицензияһына ярашлы, эстәлек менән һәр кем файҙалана ала. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Башҡорт (DUHOCTRUNGQUOC.VN) is an independent company and has no affiliation with Wiki Foundation.