Сарбаев Раил Сәлих Улы
Сарбаев Раил Сәлих улы (11 ғинуар 1962 йыл) — хужалыҡ, дәүләт һәм йәмәғәт эшмәкәре, 2008—2010 йылдарҙа Башҡортостан Хөкүмәте Премьер-министры.
Башҡортостан Республикаһының атҡаҙанған төҙөүсеһе (1999). Салауат Юлаев ордены (2007) кавалеры.
| Раил Сәлих улы Сарбаев | ||||
| ||||
|---|---|---|---|---|
| 10 апрель 2008 — 23 июль 2010 | ||||
| Президент: | Мортаза Рәхимов Рөстәм Хәмитов | |||
| Алдан килеүсе: | Рафаэль Байдәүләтов | |||
| Дауамсы: | Рөстәм Хәмитов | |||
| Тыуған: | 11 ғинуар 1962 (62 йәш) Башҡорт АССР-ы Ейәнсура районы Абҙан ауылы | |||
| Балалары: | Сарбаева Алина Раил ҡыҙы | |||
| Белеме: | Башҡорт дәүләт университеты | |||
| Ғилми дәрәжәһе: | биология фәндәре кандидаты[d] | |||
| Наградалары: |
| |||
Биографияһы
Раил Сәлих улы Сарбаев 1962 йылдың 11 ғинуарында Башҡорт АССР-ының Ейәнсура районы Абҙан ауылында тыуған. Башҡортостан ауыл хужалығы институтын (1985) һәм Башҡорт дәүләт университетын (2006) тамамлаған. 1985 йылдың алып «Сельхозхимия» район берекмәһенең өлкән агрономы, ноябрендә — ВЛКСМ район коммитетының 2-се секретары, 1988 йылда — 1‑се секретары; 1989 йылдың башлап халыҡ депутаттарының район Советы башҡарма коммитеты рәйесе урынбаҫары, 1992 йылда — Ейәнсура районы хакимиәте башлығы урынбаҫары, 1994 йылдан — башлығы. 2000 йылда алып Сибай ҡалаһы хакимиәте башлығы. 2005 йылдан башлап Ветеринар һәм фитосанитар күҙәтеү буйынса федераль хеҙмәттең Башҡортостан Республикаһы буйынса идаралығы етәксеһе. 2005 йылдың мартынан Башҡортостан Республикаһының ер һәм милек мөнәсәбәттәре министры. 2008 йылдың 10 апреленән 2010 йылдың 23 июленә тиклем Башҡортостан Республикаһы Хөкүмәте Премьер-министры.
2007 йылда Салауат Юлаев ордены менән бүләкләнә.
Артабанғы хеҙмәт эшмәкәрлеге:
- 2010 йылдан — 2019 йылғаса: Урал тау-металлургия компанияһының директорҙар советы рәйесе.
- 2013—2014 йылдар: — «СГ-Транс» асыҡ акционерҙар йәмғиәтенең вице-президенты.
- 2014 йылдан 209 йылғаса: Рәсәй Федерацияһының бер нисә финанс һәм көс структураһы етәксеһе кәңәшсеһе.
2019 йылдың 8 апреленән — Башҡортостандың үҫеш корпорацияһы етәксеһе.
Маҡтаулы исемдәре һәм башҡа бүләктәре
- Башҡортостандың атҡаҙанған төҙөүсеһе (1999)
- Салауат Юлаев ордены (2007)
Һылтанмалар
- Сарбаев Раил Сәлих улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 6 февраль 2019)
This article uses material from the Wikipedia Башҡорт article Сарбаев Раил Сәлих улы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башҡа шарт булмаһа, CC BY-SA 4.0 лицензияһына ярашлы, эстәлек менән һәр кем файҙалана ала. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Башҡорт (DUHOCTRUNGQUOC.VN) is an independent company and has no affiliation with Wiki Foundation.