Раджа́ Ра́ви Ва́рма (малаял.
രാജാ രവിവർമ്മ; 29 апрель 1848 — 2 октябрь 1906 йыл) — Һиндостан рәссамы, һинд эпостары «Маһабһарата», «Рамаяна» темаһына яҙылған һәм башҡа бик күп эштәр авторы.
Рави Варма (тулы исеме Рави Варма Койл Тампуран) 1848 йылдың 29 апрелендә Килиманур кенәз һарайында, яҡын Тируванантапурамаһы (хәҙер Керала штатаы), Траванкор дәүләте хакимдарының аристократик ғаиләһендә тыуған. Бала сағынан уҡ һүрәт төшөрөүҙә һәләт күрһәтә. 14 йәшенән Рави Варма кенәз һарайында традицион һинд һынлы сәнғәтен өйрәнә, ә 1863 йылда бер ай буйына һарайға саҡырылған британ портретсыһы Теодор Йенсендан Европа һынлы сәнғәте буйынса дәрестәр ала.
1873 йылда Рави Варма Мадрасла халыҡ-ара художество күргәҙмәһендә ҡатнаша, унда уның «Иртәнге бәҙрәфтә Леди Найр» картинаһы иң яҡшыһы тип таныла. Бөтә донъяға билдәлелек рәссамға шул уҡ йылда Венала үткән күргәҙмәнән һуң килә, унда ул да төп премияны ала.
Рави Варма бер ҡасан да рәсми раджа титулын йөрөимәй, ләкин Европала Раджа Варма, принц-рәссам булараҡ билдәле була.
This article uses material from the Wikipedia Башҡорт article Рави Варма, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башҡа шарт булмаһа, CC BY-SA 4.0 лицензияһына ярашлы, эстәлек менән һәр кем файҙалана ала. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Башҡорт (DUHOCTRUNGQUOC.VN) is an independent company and has no affiliation with Wiki Foundation.