Безценный Виктор Николаевич
Безценный Виктор Николаевич (20 июль 1924 йыл — 2 декабрь 1976 йыл) — Бөйөк Ватан һуғышы яугиры, уҡсылар полкының взвод командиры, өлкән лейтенант (1944).
Советтар Союзы Геройы (1943).
| Безценный Виктор Николаевич | |
| Зат | ир-ат |
|---|---|
| Гражданлыҡ |  СССР |
| Хеҙмәт итеүе | СССР |
| Тыуған көнө | 20 июль 1924 |
| Тыуған урыны | Макеевка[d], Макеевский район[d], Сталинский округ[d], Донецкая губерния[d], Украина Совет Социалистик Республикаһы, СССР |
| Вафат булған көнө | 2 декабрь 1976 (52 йәш) |
| Вафат булған урыны | Макеевка[d], Донецк өлкәһе, Украина Совет Социалистик Республикаһы, СССР |
| Сәйәси фирҡә ағзаһы | Советтар Союзы Коммунистар партияһы |
| Һуғыш/алыш | Бөйөк Ватан һуғышы |
| Маҡтаулы исемдәре һәм башҡа бүләктәре |   |
Биографияһы
Виктор Николаевич Безценный 1924 йылдың 20 июлендә Дмитриевск ҡалаһында (хәҙер Донецк өлкәһенең Макеевка ҡалаһы) тыуған. Украин.
Тулы булмаған урта белемле. 1941 йылдың февраленән Башҡорт АССР-ы Иглин районының Иглин ҡасабаһында йәшәгән, бында уҡыуын дауам иткән, Колхозда эшләгән.
1942 йылдан алып Ҡыҙыл Армия сафында хеҙмәт итә. 1943 йылда Өфө хәрби пехота училищеһын тамамлай.
1943 йылдың майынан Үҙәк, Белоруссия һәм 1-се Белоруссия фронттарында хеҙмәт итә. 65-се армия 193-сө уҡсылар дивизияһы 865-се уҡсылар полкының взвод командиры лейтенант Виктор Николаевич Безце́нный Герой исеменә 1943 йылдың 15 октябрендә Днепр йылғаһын һуғышып аша сыҡҡанда күрһәткән батырлығы өсөн лайыҡ була. Уның взводы Белорус ССР-ының ҡала тибындағы Лоев ҡасабаһы эргәһендә Днепр йылғаһын уңышлы аша сығып, уң яҡ плацдармды һаҡлап ҡала.
1945 йылда демобилизацияланғандан һуң — Макеевка һәм Мукачево ҡалаларында прокурор ярҙамсыһы, Луганск ҡалаһында адвокат булып эшләй. 1950 йылдан КПСС ағзаһы.
1976 йылдың 2 декабрендә вафат була. Макеевка ҡалаһы зыяратында ерләнгән.
Маҡтаулы исемдәре һәм башҡа бүләктәре
- Советтар Союзы Геройы (1943)
- «Алтын Йондоҙ» миҙалы (№ 1520)(30.10.1943)
- Ленин ордены (1943)
Хәтер
- Иглин ҡасабаһында Геройҙың бюстары ҡуйылған: 2002 йылда Е. Иглина исемендәге паркта, 2005 йылда — ул уҡыған 1-се һанлы Иглин урта мәктәбе бинаһы эргәһендә.
Иҫкәрмәләр
Әҙәбиәт
- Кизин Ю Порыв //Башҡортостандың данлы улдары. 3-сө китап. Өфө, 1968.
Һылтанмалар
Безценный Виктор Николаевич. «Герои страны» сайты.
This article uses material from the Wikipedia Башҡорт article Безценный Виктор Николаевич, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башҡа шарт булмаһа, CC BY-SA 4.0 лицензияһына ярашлы, эстәлек менән һәр кем файҙалана ала. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Башҡорт (DUHOCTRUNGQUOC.VN) is an independent company and has no affiliation with Wiki Foundation.