دیری‌لرین بیوقرافی‌سی
یاشایان اینسان بیوقرافی‌لرینده و یا اوْنلارلا باغلی هانسیسا بیر مقاله‌نین یازیمیندا ویکی‌پدیاچیلار خۆصۇصی ایله دیقّت اوْلونمالی‌دیر.
بئله مقاله‌لر حساسیت گرکدیریر و تمل سیاستلره کسین شکیلده اۇیغون اوْلمالیدیر.
مقاله‌نی دوْغرو درک ائتمه‌لی‌ییک. اؤزللیک‌له شخصلرین یاشامی ایله ایرتیباطلی بیلگی وئررکن یۆکسک کئیفیتده قایناق گؤسترمک باره‌سینده چوْخ مؤحکم رفتار ائتمه‌لی‌ییک. قایناقسیز یا دا قایناغی گۆونیلیر اوْلمایان ضیدّیتلی (منفی٬ مۆثبت یا دا سوْرغولانا بیلیرلیگی یۆکسک) یازیلار مقاله‌لردن٬ بحث و ایشلدن صفحه‌لردن درحال چیخاریلمالی‌دیر. بۇ اصل‌لر٬ بۆتون مقاله‌لرده‌کی یاشایان اینسانلار حاقّیندا بیوقرافیک بیلگی وئریلن قیسمتلر اۆچون ده گئچرلی‌دیر. بۆتون ویکی‌پدیادا و اؤزللیک‌له یاشایان اینسانلارین بیوقرافی‌لرینده٬ ضیدّیتلی و بحثه آچیق ایدّیعالاری دوْغرولاییجی قایناقلار گؤسترمک٬ ایدّیعادا تاپیلان شخصین مسئولیتیندن‌دیر. بۇ ایرتیباطدا قایناقسیز یا دا ضعیف قایناقلارا دایانان بیلگیلری چیخارماق اۆچون بۇنون یانلیشلیغینی گؤسترن قایناقلاری گتیرمک لازیم دئییل٬ ایدّیعانی آرتیرماق ایسته‌ین شخص گۆونیلیر و گئنل قبول گؤرور قایناقلار گؤسترمه‌لی‌دیر.
This article uses material from the Wikipedia تۆرکجه article ویکی‌پدیا:دیری‌لرین بیوقرافی‌سی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچینده‌کیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.