دروُزلار (عرب.
الدُرُوز، تکده عرب. دَرْزِی) — اسماعیللیلیگین شاخهلریندن بیری اولان موسلمان دینی طریقتینه عایید عربلر. لوبنان و سوریهده، آز بیر حیصهسی ایسه ایسرائیلده یاشاییر. دروز طریقتی 11. عصرین اوّللرینده میصیر و جنوبی لوبنان اسماعیللیلری آراسیندا تبلیغات آپاران باطینی واعیظ محمد بن اسماعیل دَرزی نین (طریقتین آدی دا بوراداندیر) فعالیتی نتیجهسینده مئیدانا گلمیشدیر. دروزلار فاطمی خلیفهسی حاکیمده (996-1021) آللاهین تجسّوم اولوندوغونا و روحلارین اؤلمزلیگینه اینانیرلار. اورتا عصرلردن باشلامیش سون دؤورهدک دروزلار نسلی آریستوکراسییا و حاکیم امیر سولالهسینه مالیک اولموشلار. دروز امیرلرینین لوبناندا ان قودرتلی دؤورو 2. فخرالدین معني (1590-1633) و 2. بشیر شهابين ((1788/89-1840) حاکیمیتی ایللرینه تصادوف ائدیر. مارونی کندلیلری و اونلارین فئودال آغالاری اولان دروز زادگانلاری آراسینداکی صینفی ضیدیّتلر نتیجهسینده 19. عصرین 40-60-جی ایللرینده لوبناندا دروز و مسیحی مارونیلر آراسیندا سیلاحلی توققوشمالار باش وئردی. 19. عصرین 2-جی یاریسی-20. عصرده عثمانلی ایمپیراتولوغو حاکیم دایرهلری نین دروز" سربستلیگینه" ، "ایمتیازینا" (حربی موکلّفیتین اولماماسی، سیلاح گزدیرمک حوقوقو، دروز زادگانلاری نین سیراوی دروزلار اوزرینده کی غئیری محدود حاکیمیتی و س.) سون قویماق جهدلری تئز-تئز تورکلر علئیهینه چیخیشلارا سبب اولموشدو. فرانسهنین مانداتلیغی دؤورونده (1920-1943) سوریه و لوبنان دروزلاری آنتی امپریالیست موباریزهده ایشتیراک ائتدیلر. 1925-1927-جی ایللر عومومسوریه میلّی عوصیانینین مرکزی جبل دروز ایدی. عوضولری نین اکثریتی دروزلاردان عیبارت اولان لوبنان ترققیپرور سوسیالیست پارتیاسی (1949-جو ایلده تأسیس اولونموشدور) 1958-جی ایلین یاییندا آنتیامپریالیست عوصیاندا فعال ایشتیراک ائتمیشدیر. 70-جی ایللرده لوبناندا باش وئرن حادیثهلر زامانی دروزلار میلّی وطنپرور قووّهلرین طرفینده چیخیش ائدیر، اؤلکهنین بیرلیگی و فلسطین قاچقینلاری پروبلمینین عدالتلی حلّ اولونماسی اوغروندا موباریزه آپاریرلار.
This article uses material from the Wikipedia تۆرکجه article دروزلار, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.