بروکلین کؤرپوسو ۱۸۸۳– جو ایلده نیویورک دا رؤبلینگ طرفیندن سالینمیش ان قدیم آسیلقان (معلق) کؤرپولردن دیر.
او، نیو یورک سیتی ده ایست ریور چایینین اوزه ریندن کئچره ک شهرین منهتن و بروکلین اراضی لرینی بیرلشدیریر. تیکلدییی دؤورده بروکلین کؤرپوسو دونیانین ان بؤیوک کؤرپوسو ایدی. بو کؤرپو او دؤورده مؤوجود اولوب بوتون کؤرپولری اوزونلوغو و ائنینه ۵۰% کئچمیشدیر. تیکیلندن سونرا او تئزلیک له نیو یورک اۆچون عظمت رمزینه چئوریلهرهک "گؤزل حیاتی" سیموولیزه ائدیردی.
بروکلین کؤرپوسو آلمان اصیللی معمار جوهن آوقوست رؤبلینگ طرفیندن لایحه له ندیریلمیشدیر. تیکینتی یه باشلایاندان آز سونرا بیر قضا (حادثه) نتیجه سینده رؤبلینگ خسارت آلیر و اوچ هفته سونرا وفات ائدیر. بوندان سونرا لایحه نین رهبرلی ینی اونون اوغلو موهندیس واشینقتون رؤبلینگ داوام ائتدیریر. او آتاسینین ۱۸۶۷- جی ایلده باشلادیغی کؤرپوسو تیکیب باشا چاتدیریر. بو کؤرپونون ازونونلوغو ۱۵/۱کیلومتر ، ائن ایسه ۴۸۶متر – دیر. بروکلین کؤرپوسو او دؤورده دونیادا پولاد مفتیل لردن حاضیرلانمیش ان بؤیوک آسیلقان (معلق) کؤرپو ایدی. بروکلین کؤرپوسو نیویورک لا منهتنی (بیر محله آدی دیر) بیرلشدیرهرهک نقلیه شبکه سینین اینکیشافیندا اؤنملی رول اوینامیشدیر.
This article uses material from the Wikipedia تۆرکجه article بروکلین کؤرپوسو, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.