London Geologiya Cəmiyyəti
London Geologiya Cəmiyyəti (ingilis dilində:Geological Society of London или Geological Society) — Böyük Britaniyada yerləşən, Yer kürəsinin tədqiqi məqsədilə yaradılan elmi cəmiyyət.
London Geologiya Cəmiyyəti dünyada yaradılan ilk geologiya cəmiyyətidir.
Cəmiyyətin əsas missiyası geoloqlara bir-birilə tanış olmalarına, elmi axtarış cəhdlərinin stimullaşdırılmasına, fikir mübadiləsi yolu ilə geologiya elminin inkişafı sahəsində baş verən yeniliklər və yeni faktlar barəsində məlumatların paylaşılmasına yardım etməkdir .
Tarixi
.jpg)
London Geologiya Cəmiyyəti 1807-ci ildə 13 alimin iştirakı ilə keçirilən yığıncaqda yaradılmışdır. Cəmiyyətin təsisçiləri arasında Uilyam Babinqton, Corc Qrinaf Qemfri Devi və Artur Eykin kimi görkəmli alimlər də var idi. Onlar vaxtaşırı nahara toplaşır və geologiya məsələlərini müzakirə edirdilər.
1825-ci ildə bu cəmiyyət kral IV Georqdan xüsusi imtiyaz almış və rəsmən tanınmışdır.
1839-cu ildə London Geologiya cəmiyyətinin artıq 750 nəfər üzvü var idi. Qadınların bu cəmiyyətə rəsmi şəkildə üzv olmasının qadağan edildiyi bir dövrdə paleontoloq Meri Enninqə xüsusi istisnalıq edilmişdir.
1874-cü ildə Cəmiyyət Londonun Pikadelli küçəsində Byörlinqton-hause iqamətgahında yerləşirdi. Bundan başqa, bu cəmiyyət Böyük Britaniya Elmi Şurasının (Science Council) üzvüdür.
Cəmiyyətin təltifləri
Cəmiyyət il ərzində geologiya sahəsində elmi nailiyyətlərinə görə təltif edir:
- 1831-ci ildən - Vollaston medalı
- 1871-ci ildən - Murçison medalı
- 1876-cı ildən - Layell medalı
- 1903-cü ildən - Prestviç medalı
Mənbə
- Herries Davies, G.L. (2007) Whatever is Under the Earth: The Geological Society of London 1807 to 2007, London : Geological Society, ISBN 1-86239-214-5
Xarici keçid
- The Geological Society (ingilis dilində.)
- The Lyell Collection
İstinadlar
This article uses material from the Wikipedia Azərbaycanca article London Geologiya Cəmiyyəti, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Əksi qeyd olunmayıbsa, bu məzmun CC BY-SA 4.0 çərçivəsində yayımlanır. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Azərbaycanca (DUHOCTRUNGQUOC.VN) is an independent company and has no affiliation with Wiki Foundation.