Krım Körpüsü: Körpü
Krım körpüsü və ya Kerç körpüsü — Kerç boğazından keçən transport körpüsü.
Körpü Kerç və Taman yarımadalarını birləşdirir. Körpü həm də Tuzla adası ilə Tuzla dilini birləşdirir. Körpü iki paralel hissədən — avtomobil yolundan (A-290) və dəmiryol xəttindən ibarətdir. Körpünün ümumi uzunluğu 19 km-dir. Krım körpüsü Rusiya ərazisində tikilən ən uzun körpü hesab olunur. Bəzi mənbələrdə isə körpü Avropanın ən uzun körpüsü hesab olunur.Ancaq nəzərə almaq lazımdır ki, körpünün bir hissəsi mübahisəli Krım ərazisinə daxildir.
| Krım körpüsü | |
|---|---|
| rus. Крымский мост | |
 | |
| Keçid | Kerç boğazı |
| Yeri | Kerç, Temryuk rayonu, Rusiya, Ukrayna |
| Uzunluğu | 19 |
| Eni | 23,1 |
| Hündürlüyü | 35 |
| Tikintinin başlanma tarixi | may 2015 |
| Tikintinin bitmə tarixi | dekabr 2019 |
| Açılışı | 2018 |
 Vikianbarda əlaqəli mediafayllar | |
Körpünün tikilməsi ideyası Krımın Rusiyaya birləşdirilməsindən sonra meydana gəldi. Ukrayna və Rusiya arasında olan münasibətlərin korlanmasından sonra ruslar Krımın Ukraynadan asılılığını azaltmaq üçün körpü tikintisinə start verdilər. Avtomobil yolu 2018-ci ildə istifadəyə verilsə də, dəmiryol xətti 2019-2020-ci illərdə mərhələli şəkildə istifadəyə verildi.
Ümumi xarakteriskası
Körpü iki hissədən ibarətdir — avtomobil və dəmiryol. Körpülər Taman yarımadasından başlayır, Tuzlin dilindən, daha sonra isə Tuzla adasından keçir. Ağ burun burnundan yan keçərək Kerç ərazisində yekunlaşır. Dəmiryol xəttinin uzunluğu digərindən bir az uzundur — 18,1 km. Avtomobil yolunun uzunluğu isə 17 km-dir. Krım körpüsünün eni arka və təhlükəsizlik xəttləri ilə birlikdə 23,1 metrdir.
Körpü uzun estakadalar üzərində inşa olunub. 595 dayaqdan ibarət olan estakadaların ümumi çəkisi 260 min tondur. Estakadalar arasında olan məsafə 55-63 metr arasında dəyişir. Kerç-Yenikale gəmiçilik kanalı körpünün arkalı hissəsindən keçir. Bu hissənin uzunluğu 227 metrdir. Hündürlüyü 45 metr olan bu ərazinin eni 185 metrdir
Avtomobil yolu dört zolaqlı olub IB kateqoriyasına aiddir. Körpü üzərində hərəkətin ehtimal olunan sürəti 120 km/saatdır. Faktiki icazə verilən maksimal sürət — 90 km/s. Sutka ərzində avtomobil buraxılışı— 40 mindir. Mövcud sutkalıq rekord 16 avqust 2020-ci ildə qeydə alınıb - 36.393.
İstinadlar
This article uses material from the Wikipedia Azərbaycanca article Krım körpüsü, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Əksi qeyd olunmayıbsa, bu məzmun CC BY-SA 4.0 çərçivəsində yayımlanır. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Azərbaycanca (DUHOCTRUNGQUOC.VN) is an independent company and has no affiliation with Wiki Foundation.