El Pont de Crimeja (in russ Крымский мост) a l'è un pont, fad su de 'na sezzion stradala e vuna ferroviaria, che 'l conliga Taman, in del Kraj de Krasnodar, a Kerč', in Crimeja, territori contes in tra la Russia e l'Ucraina.
Quest articol chì l'è scrivud in lombard, con la Noeuva Ortografia Lombarda |
L'è stad fad su a partì del 2016, e la part stradal l'è stada verta el 15 de masg del 2018, inaugurada del Vladimir Putin, e quella ferroviaria el 23 de dicember 2019. De 'n pont del gener el se parlava del secol quell de vint e 'l governo russ, dopo havé ciapad la penisola, l'ha scernud de fàll su, anca per rinforzà i so posizzion in sul territori. Cont i so 19 km l'è el pont el pussee longh fad su de la Russia e anca el pussee longh in Europa.
El 8 de otover del 2022, in del cors de l'invasion russa de l'Ucraina, un s'ciop el dannegia fiss el pont, che 'l resta in part inutilizabel. I russ parlen de 'n camios bomba e acusen i ucrain, che inveci disen che ghe impoden minga ma celebren l'atach, cont un bollin, di tweet cont di pastizz de parolle, di ingiurie al Putin e 'na banca la nonzia adiritura 'na carta de credit con l'imagin. In l'atach trè persone moeuren. El 23 de fevrer del 2023 derven ancamò la trata stradal dopo di reparazzion.
This article uses material from the Wikipedia Lumbaart article Pont de Crimeja, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.