Hanae Mori
Hanae Mori (森 英恵?, 8 yanvar 1926 – 11 avqust 2022, Tokio) – Yaponiya dəb dizayneri.
Kolleksiyalarını Paris və Nyu-Yorkda sərgiləmiş iki yapon qadından biridir və ilk asiyalı qadındır ki, moda evi Fransa Moda Federasiyası tərəfindən "yüksək moda" kimi qəbul edilib. 1951-ci ildə Yaponiyada öz moda evini açıb və 1990-cı illərdə 500 milyon dollarlıq beynəlxalq biznesə çevrilib.
| Hanae Mori | |
|---|---|
| yap. 森英恵 | |
 1974-cü ildə. | |
| Doğum tarixi | 8 yanvar 1926 |
| Vəfat tarixi | 11 avqust 2022 (96 yaşında) |
| Vəfat yeri | |
| Vəfat səbəbi | qocalıq[d] |
| Uşağı | 2 |
| Təhsili | Tokio Qadın Xristian Universiteti |
| Fəaliyyəti | dəb dizayneri, biznes ledi |
| Fəaliyyət illəri | 1951–2004 |
 Vikianbarda əlaqəli mediafayllar | |
Karyerası
Mori 8 yanvar 1926-cı ildə Şimane prefekturasının Muikayçi şəhərində anadan olmuşdur. Tokio Qadın Xristianlıq Universitetində məzun olduqdan sonra evlənmi və dərzi məktəbinə daxil olmuşdur. 1951-ci ildə Hiyoşiyada ilk atelyesini açmışdır və bir neçə il ərzində yüzlərlə film üçün kostyum dizayn etmişdir. 1965-ci ildə "Şərq Qərblə görüşür" adlı ilk Nyu-York kolleksiyasını təqdim etmişdir. 1977-ci ildə sonra Parisdə "yüksək moda" salonu açılmışdır.
Mori Japan Airlines üçün ardıcıl 3 dəfə uniforma dizayn etmişdir. İlk uniforma 1967–70-ci illərdə istifadə olunmuşdur. İkinci uniforma miniyupkası ilə sensasiya yaratmış və 1970–77-ci illərdə istifadə olunmuşdur. Üçüncü uniforma isə 1977–88-ci illərdə işçilər tərəfindən geyinilmişdir. 1989–96-cı illərdə Dominik Siropu dizayner kimi işə almışdır və o, 1997-ci ildə böyük kuturye olmuşdur. 1992-ci ildə Barselona Olimpiya Oyunlarına və 1994-cü ildə Lillehammer Olimpiya Oyunlarına yollanan Yaponiya nümayəndəlikləri üçün kostyum dizayn etmişdir. 1993-cü ildə Yaponiya şahzadəsi Masakonun toyu üçün qolsuz ağ paltar təqdim etmişdir. Mori Masako, Hillari Klinton, Nensi Reyqan və Qreys Kelli kimi siyasətçilər üçün işləmişdir.
Şirkəti maddi problemlər yaşadığı üçün 2002-ci ilin yanvarında əməliyyatlarını Yaponiyanın "Mitsui & Co." və Britaniyanın "Rothschild" şirkətlərinə satmışdır. 2004-cü ildə isə təqaüdünü açıqlamış və 2004-cü ilin payızında Parisdəki moda evini bağlayacağını bildirmişdir. Son moda sərgisi həmin ilin iyulunda baş tutmuşdur.
Şəxsi həyatı
1946-cı ildə parça biznesmeni Ken Mori ilə tanış olmuş və daha sonra evlənmişdir. Ken 16 oktyabr 1996-cı ildə ölmüşdür. Cütlüyün Akira və Kei adlı iki oğlu olmuşdur. İkisi də Morinin biznesinə kömək etmişdirlər.
İstinadlar
Xarici keçidlər
- Hanae Mori FMD saytında
This article uses material from the Wikipedia Azərbaycanca article Hanae Mori, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Əksi qeyd olunmayıbsa, bu məzmun CC BY-SA 4.0 çərçivəsində yayımlanır. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Azərbaycanca (DUHOCTRUNGQUOC.VN) is an independent company and has no affiliation with Wiki Foundation.