Тахшагьар

Гьеб ккола бетІереб шагьарлъун, жинда жаниб хІукуматалъул гІуцІиялги данделъаби гьарулеб бакІги бугеб; тахшагьаралъул статусалъе гІемерисеб баян кьун букІуна гьелъул къануналъ яги конституциялъ. Цо-цо юрисдикциязда, чанго пачалихъалда бугеб, хІакимлъиялъул батІи-батІиял гІаркьалаби рукІуна батІи-батІиял гІумру гьабулел бакІазда. Цо-цо нухалда батІалъи гьабула официалияб (конституциялъулаб) тахшагьаралдаги жиб батІияб бакІалда бугеб хІукумат букІунеб бакІалдаги гьоркьоб.

Вашингтон, АЦШялъул тахшагьар

Лондон, Цолъараб Къиралаталъул тахшагьар

Москва, Россиялъул тахшагьар

Берлин, Германиялъул тахшагьар

Париж, Парансалъул тахшагьар

Рим, Италиялъул тахшагьар

Токио, Японалъул тахшагьар

Пекин, Чиналъул тахшагьар

Исламабад, Пакистаналъул тахшагьар

Нью Дели, Индиялъул тахшагьар

Жал аслиял экономикаялъулал, демографиялъулал, маданияталъулал ва интеллектуалиял централлъун рукІунел тахшагьаразде гьединго абула тІоцересел шагьаралилан (приматиял шагьар). Мисалаллъун рачине бегьула Афинал, Банкок, Пекин, Брюссел, Копенгаген, Къагьир, Лондон, Мехико, Москва, Париж, Лима, Сеул ва Токио.

Тахшагьар абураб рагІи Авар мацІалде бачІун буго парс мацІалдаса; гьеб рагІи лъугьун буго тах ва шагьар абураб рагІабаздаса, жинда жаниб тах бугеб шагьар абураб магІна буго гьелъул. Административияб мартабат гІодобегІанал икълимазул хІакимлъи жаниб бугеб бакІалъе цо-цо пачалихъазда хІалтІизабуларо тахшагьар абураб термин, хІалтІизабула, мисалалъе, термин "административияб марказ".

Тарихиял тахшагьарал

ХІукуматалъу гІуцІи жаниб гьечІеб тахшагьар

ТІасан дагІба бугел тахшагьарал

• Пачалихъазул тахшагьаразул сияхІ