Shohei Imamura (今村 昌平 Imamura Shōhei) yera un cineasta xaponés nacíu'l 15 de setiembre de 1926 en Tokiu (Xapón) y morrió'l 30 de mayu de 2006.
Shohei Imamura | |
---|---|
Vida | |
Nacimientu | Tokiu, 15 de setiembre de 1926 |
Nacionalidá | Xapón |
Llingua materna | xaponés |
Muerte | Tokiu, 30 de mayu de 2006 (79 años) |
Causa de la muerte | cáncer hepáticu |
Familia | |
Fíos/es | Daisuke Tengan |
Estudios | |
Estudios | Universidá de Waseda |
Llingües falaes | xaponés |
Oficiu | guionista, direutor de cine, productor de cine, profesor, realizador |
Participante
| |
Llugares de trabayu | Xapón |
Premios | ver
|
IMDb | nm0408076 |
Figura de la Nouvelle Vague xaponesa, xunto a otros dos direutores rebeldes, Nagisa Oshima (L'imperiu de los sentíos) y Masahiro Shinoda. Foi descubiertu en Francia al entamu de los años 60 con La muyer inseutu. Recibió dos Palmes d'Oru nel Festival de Cine de Cannes: en 1983 por La Balada de Narayama y en 1998 por L'Anguila, siendo l'únicu direutor xaponés en consiguir esti gallardón.
Estudió historia occidental, pero al final de la Segunda Guerra Mundial, abandona los sos estudios y vive nel barriu de Shinjuku (onde se concentra la marcha nega) en Tokyo.
Una proyeición d'una película d'Akira Kurosawa ye lo que lu decide a facer cine. Consigue ganar el concursu d'entrada na Shochiku y debuta como asistente de Yasujiro Ozu al entamu de los años 50. Darréu conviértese n'escenógrafu pa Yuzo Kawashima.
Dexa rápido la Shochiku pola Nikkatsu. Ellí fadrá la so primer película como realizador: Deséu Robáu (1958). Pa llanzar un cantante, la Nikkatsu impónen-y una película (La estación de Nishi-Ginza, 1958) a cambéu d'una mayor lliberta pa la siguiente (Deséu interminable). Shohei Imamura decide entós que nun aceptará enxamás facer un film impuestu.
L'orixinal direutor entamó la so propia productora, Imamura Productions en 1965, y diez años depués una escuela de cine. Destacó pola so afición polo fantástico y tamién pol naturalismu, como queda reflexao na so obra Lluvia Negra (1989), una película que describe les consecuencies de la bomba atómica n'Hiroshima, anque'l fracasu económicu d'esta película obligólu a dexar de rodar hasta 1996.
El so últimu llabor como cineasta foi unu de los once curtiumetraxes fechos por grandes direutores de tol mundu y que formen la obra coleutiva 11'09'01, sobre los atentaos del 11 de setiembre nos Estaos Xuníos.
This article uses material from the Wikipedia Asturianu article Shohei Imamura, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.