Ruta Real Persa

Daríu construyó la carretera pa facilitar les rápides comunicaciones al traviés del so imperiu dende Susa hasta Sardes. Estos correos podíen viaxar 2.699 km en siete díes. L'historiador griegu Herodotu escribío: Nun hai nada nel mundiu que viaxe más aína qu'estos correos perses. L'alabanza qu'Herodotu dedicó a estos mensaxeiros, nin ñeve nin lluvia nin calor nin escuridá de la nueche torga-ys pa cumplir la xera propuesta cola mayor velocidá, convirtíose nel eslogan oficiosu de Correos.

Ruta Real Persa
carretera y sistema de carreteres

El percorríu de la carretera reconstruyóse al traviés de los escritos d'Herodotu, de restos arqueolóxicos, y d'otres fontes hestóriques. Escomenzaba nel oeste en Sardes (a unos 96 km al este d'Esmirna na actual Turquía), viaxaba pal este, anguaño nel centru de la parte septentrional de Turquia hacia l'antigua capital asiria, Ninivé (anguaño Mosul, Iraq), dende ellí empobinaba pal sur hacia Babilonia (anguaño Bagdá, Iraq). Cerca de Babilonia, la ruta dixebrábase, una viaxaba hacia'l noroeste y l'oeste cruciando Ecbatana, siguiendo la Ruta de la Seda, la otra continuaba pal este hacia la futura capital persa, Susa (anguaño n'Irán, y hacia el sureste pa Persépolis.

A causa de que la ruta nun siguía nin el camín más curtiu nin el más fácil ente las ciudaes importantes del Imperiu persa, los arqueólogos creen que les seiciones más occidentales de la ruta pudieran construyise polos reis asirios, yá que la ruta sigui al traviés del corazón del so antiguu imperiu. Los segmentos más orientales (anguaño nel norte d'Irán) coinciden cola mayor ruta comercial conocida. la Ruta de la Seda.

Si qu'asina, Daríu I fizo que la Ruta Real tuviera la reconocencia actual al ameyorar la calzada y coneutar partes estremaes creando un enxeme unificáu, orixinariamente comu un mou rápidu de comunicación pal usu de los mensaxeiros del reinu o pirradaziš

L'ameyoramientu de la carretera que fizo Daríu fo de tala calidá que la Ruta siguióse emplegando na dómina romana. Una ponte en Diyarbakir, Turquía, inda sigue emplegándose dende esta dómina.

Euclides dixo, a la suxerencia de Tolomeu I de deprender fácilmente les matemátiques:Nun hai una ruta real na xeometría. Nún contestu modernu esta frase fo retomada pol inxenieru informáticu Fred Brooks nel ensayu No Silver Bullet, u caltenía al rodiu de les meyores na informática: Nun hai una ruta real, pero hai una ruta.

•   Wiki Commons tien conteníu multimedia tocante a Ruta Real Persa.