Protectoráu: Territoriu baxo la proteición d'otru

N'otres pallabres, ye un Estáu, forma de gobiernu o territoriu que ye protexíu diplomática o militarmente por un estáu o entidá internacional más fuerte. Sicasí por esa proteición, el proteutoráu acepta delles obligaciones especificaes, que varien dependiendo de la naturaleza real de la rellación ente dambes entidaes. Na ficción llegal, un proteutoráu ye reconocíu como estáu autónomu siquier en potencia y xeneralmente caltién dalguna midida de soberanía o formes de gobernar y alministración nativa.

Polo xeneral considérase qu'un proteutoráu ye un preséu al serviciu de los intereses estratéxicos, económicos o militares de les grandes potencies; una institución o formulación llegalizada pa la llexitimación de rellaciones xerárquiques o de poder ente estaos o entidaes nacionales: “El proteutoráu tien siempres un enclín colonial, si nun ye en sí mesmu colonial, d'explotación, de provechu.”

•   Wikcionariu tien definiciones y otra información tocante a protectoráu.