Lophius Piscatorius
El pixín (Lophius piscatorius) ye un pexe que s'atopa en dellos mares atlánticos, como'l mar Cantábricu o'l Mar del Norte, y nel Mediterraneu.
Lophius piscatorius pixín  | ||
|---|---|---|
 | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Actinopterygii | |
| Orde: | Lophiiformes | |
| Familia: | Lophiidae | |
| Xéneru: | Lophius | |
| Especie: | L. pisctorius Linnaeus, 1758 | |
| Distribución | ||
 | ||
| Consultes | ||
| [editar datos en Wikidata] | ||
En munchos llugares y llingües del mundu'l so nome amuesa refugu o estrañeza ("diañu de mar", "pexe sapu", "pexe monxu"), por mor de la gran fealdá y anormales traces; sicasí, ye un pexe mui sabrosu y mui emplegáu na cocina.
La llonxitú va de los 40 centímetros a los 2 metros y algama dica 40 kg. de pesu.
Tien el cuerpu deprimíu, cola rexón cefálica tan desenrollada que xunto'l tueru fai un discu, siguíu pol restu del cuerpu, estrenchu y cónicu. Les branquies alcuéntrense tres les aletes pectorales, con munches espines al rodiu. Nun tien escames. Amuesa dos aletes dorsales, la primera d'elles colos radios sueltos. Ún d'ellos ye más llargu y el pixín emplégalu p'atrayer preses.
La boca ye pergrande y los güeyos tán allugaos nel dorsu la tiesta. Tien dos dentámenes enforma afilaos.
La color ye davezu aceituna escura; dacuando pue ser más clara o amosar manches. El banduyu ye ablancazáu y les aletes pectorales tán arrodiaes d'una estrencha banda prieta.
N'Asturies conozse col nome de pixín aguarón al Lophius budegassa menos apreciáu gastronómicamente.
| Wikispecies tien un artículu sobre Lophius piscatorius. |
Referencies
Enllaces esternos
Wiki Commons tien conteníu multimedia tocante a Lophius piscatorius.
Datos: Q205015- Multimedia: Lophius piscatorius
Especies: Lophius piscatorius
This article uses material from the Wikipedia Asturianu article Lophius piscatorius, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.