New York City Football Club

Foi fundáu en 2013 pol New York Yankees, quien conxuntamente pagaron 100 millones​ para incorporase como nueva franquicia na Major League Soccer de los Estaos Xuníos a partir del añu 2015.

New York City Football Club
Situación
Estáu	Estaos Xuníos
Datos
Tipu	club de fútbol
Fundáu en	21 mayu 2013
Propietariu	City Football Group (es)
Entrenador	Domènec Torrent
Categoría	Major League Soccer
Instalaciones
Estadiu	Yankee Stadium (es)
Dueñu de	City Football Group (es) Yankee Global Enterprises (es)
Uniforme
Titular Alternativu
Web oficial

El New York City FC y el New York Cosmos (de la North American Soccer League) son los únicos equipos de la ciudá de Nueva York, ente que nel área metropolitana de Nueva York tamién s'atopen los New York Red Bulls (en Harrison, Nueva Jersey).

La creación del equipu y primeros pasos.

Nel añu 2010 el comisionado de la MLS, Don Garber anunció públicamente la intención d'incorporar a la lliga un segundu equipu na ciudá de Nueva York, para l'añu 2013. Nun principiu suxurióse la refundación del escastáu New York Cosmos​ so otra denominación, pero los propietarios del mesmu habíense retiráu de les negociaciones y taben decidíos a reflotar nuevamente'l club por que compitiera na North American Soccer League (2011).

Anque nun principiu namái había conxetures, les negociaciones empezaron n'avientu de 2012 cuando s'anunció que'l Manchester City podía ser l'equipu comenenciudu, magar estes informaciones fueren rápido desmentíes pol club británicu, anque la marca "New York City Football Club" fuera rexistrada.

En marzu de 2013 cuando Garber anunció que taba casi tou llistu para dar a conocer la nueva espansión escontra finales del mes de mayu, lo que coincidiría cola xira pela ciudá de Nueva York pol final de temporada. El venceyu finalmente concretóse, ensin negar los rumores per parte del equipu de New York.

El 21 de mayu de 2013, l'equipu foi anunciáu oficialmente como la franquicia númberu 20 de la Major League Soccer.

El 2 de xunu de 2014, el club anunció que fichaba al delanteru español David Villa máximu goliador de la selección española de fútbol, convirtiéndose nel primer xugador del club.

El 24 de xunetu de 2014, la ciudá de Nueva York anunció nuna conferencia de prensa en direuto en Brooklyn que'l máximu goliador de la selección inglesa y del Chelsea Frank Lampard xuníase a ellos a partir de la temporada d'espansión de la MLS 2015 con un contratu de dos años. El direutor deportivu Claudio Reyna calificó a Lampard como "unu de los meyores xugadores na historia." Lampard, al llegar a la ciudá, amestó : "ye un privilexu poder ayudar a facer historia equí na ciudá de Nueva York".

Nel partíu amistosu de presentación del New York City FC, contra'l St. Mirren d'Escocia, el máximu goliador de la selección española y capitán del club, David Villa anotó'l primer gol de la historia del New York City Football Club. El segundu gol foi anotáu nel mesmu partíu por Tony Taylor, llogrando asina la victoria l'equipu de New York por 2-0.