El museo Nobel (en suecu: nobelmuseet) ye un muséu asitiáu na ciudá vieya d'Estocolmu en Suecia, na plaza Stortorget nel mesmu edificiu (Börshuset) que l'Academia Sueca y la Biblioteca Nobel.
Abrió les sos puertes en 2001, conmemorando los 100 años de Premiu Nobel. Presenta los gallardoniaos del Premiu Nobel, dende 1901, según los sos trabayos, y la vida d'Alfred Nobel (1833-1896), describiendo asina la evolución de la ciencia mientres más d'un sieglu. El muséu tamién dispón d'una galería onde s'esiben oxetos donaos polos gallardoniaos del premiu.
Museo Nobel | |
---|---|
Nobelprismuseet (sv) Nobel Prize Museum (en) | |
muséu | |
Vista del muséu | |
Llocalización | |
País | Suecia |
Provincies | provincia d'Estocolmu |
Conceyu | conceyu d'Estocolmu |
Llugar físicu | Stadsholmen (es) |
Direición | Stortorget (es) , 2 |
Coordenaes | 59°19′31″N 18°04′15″E / 59.3252155°N 18.0708309°E |
Historia y usu | |
Apertura | 1r abril 2001 |
Dueñu | Fundación Nobel |
Orixe del nome | Alfred Nobel |
Web oficial | |
El muséu Nobel abrió les sos puertes na primavera de 2001 coincidiendo colos 100 años de celebración del Premiu Nobel. De magar, hubo una gran demanda d'escolares que queríen visitar el muséu nun espaciu bien amenorgáu. Orixinalmente intentóse treslladar el muséu a un edificiu más ampliu en Skeppsholmen (más específicamente na ilesia de Skeppsholmskyrkan), una isleta al este del centru d'Estocolmu, que yá cuntaba con otros museos ya instituciones. Anguaño tase construyendo un nuevu edificiu nel barriu de Blasieholmen, xunto al Muséu Nacional d'Estocolmu, que'l so arquiteutu ye David Chipperfield.
Según el manifiestu del muséu, los sos oxetivos son "reflexar y homenaxar la memoria de los gallardoniaos del Premiu Nobel y los sos llogros, según el premiu en sí y la figura de Alfred Nobel". P'algamar esti cometíu, el muséu ufierta una exhibición, películes, obres teatrales y alderiques en redol a la ciencia; amás de tienda de llibros y souvenirs y una cafetería. Na exhibición destaquen les figures de Marie Curie, Nelson Mandela y Winston Churchill, ente otros.
El muséu suel amosar esposiciones creatives como "Bocetos de la ciencia", una esposición de fotografíes de 42 gallardoniaos del premiu col so propiu bocetu del so descubrimientu o llogru. Esta esposición tamién s'amosó n'otres partes del mundu, como Dubái y Singapur.
Pa los visitantes que quieran llevase un pedacito del muséu a casa, pueden atopar na tienda de souvenirs oxetos sobre Alfred Nobel y el muséu.
This article uses material from the Wikipedia Asturianu article Muséu Nobel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.