James Cagney
James Francis Cagney (17 de xunetu de 1899, Manhattan – 30 de marzu de 1986, Stanford (es) ), más conocíu como James Cagney, foi un actor de cine, actor de xéneru, actor de teatru, actor de televisión, sindicalista, direutor de cine, guionista, baillarín y cantante d'Estaos Xuníos.
Ganador de premios importantes y actor en distintos papeles, ye recordáu polos sos papeles de tipu duru.
.jpg)
.svg){kind=small}
Destacó na década de 1930 na empresa cinematográfica Warner Bros y caltuvo la so relevancia mientres les décades de 1940 y 1950.
Foi ganador del Premiu Óscar 1943 al Meyor Actor Principal, nel filme Yankee Doodle Dandy (1942).
Biografía
La so primer película importante foi The Public Enemy, de William A. Wellman. Volvió realizar el papel de gánster en dos películes empobinaes por Raoul Walsh: The Roaring Twenties y, sobremanera, White Heat, onde dixo la so frase más famosa, «Nel visu del mundu, ma».
Pero Cagney foi un actor bien versátil qu'intervieno en toa clase de películes, dende comedies hasta drames, pasando por westerns ya inclusive adautaciones d'obres de Shakespeare. Destaquen nel so filmografía Footlight Parade, Lady Killer, Picture Snatcher y Angels With Dirty Faces, nos años trenta.
Nos cuarenta siguió siendo unu de los actores favoritos del públicu y siguió participando en grandes películes. Una de boxéu, titulada Ciudá de conquista, y la biografía idealizada de Yankee Doodle Dandy, interpretación cola que ganó'l Óscar al meyor actor. Esti ésitu fíxo-y romper cola Warner y fundar la so propia productora, cola que nun llogró nengún ésitu, polo que tuvo que volver a la productora de los hermanos Warner.
Nos cincuenta volvió trabayar en delles grandes películes como A Lion Is in the Streets, Love Me or Leave Me, Mister Roberts o Man of a Thousand Faces. Finalmente, acabó la so carrera temporalmente en 1961, cuando protagonizó la comedia One, Two, Three, dirixida por Billy Wilder.
En 1981 volvió actuar en Ragtime, onde de nuevu demostró'l so gran talentu interpretativo. Foi la so última película.
Cagney finó'l 30 de marzu de 1986. Tenía 86 años. Sobrevivió-y el so esposa Frances Vernon, cola que se casara en 1922.
Filmografía
- 1931 The Public Enemy
- 1932 Taxi
- 1933 Footlight Parade
- 1933 Picture Snatcher
- 1933 Lady Killer
- 1935 Ceiling Zero
- 1935 G-Men
- 1936 Great Guy
- 1938 Angels With Dirty Faces
- 1937 Something to Sing About
- 1939 A Midsummer Night's Dream
- 1939 The Oklahoma Kid
- 1939 The Roaring Twenties
- 1940 City for Conquest
- 1940 Torrid Zone
- 1942 Yankee Doodle Dandy
- 1948 The Time of Your Life
- 1949 White Heat
- 1950 Kiss Tomorrow Goodbye
- 1953 A Lion Is in the Streets
- 1954 Love Me or Leave Me
- 1955 Mister Roberts
- 1956 Tribute to a Bad Man
- 1957 Man of a Thousand Faces
- 1959 Shake Hands with the Devil
- 1961 One, Two, Three
- 1981 Ragtime
Premios y nominaciones
- En 1938 Nomáu al Óscar por Angels With Dirty Faces.
- En 1942 Ganador del Óscar al meyor actor por Yankee Doodle Dandy.
- En 1954 Nomáu al Óscar al meyor actor por Love Me or Leave Me.
Referencies
Enllaces esternos
Wiki Commons tien conteníu multimedia tocante a James Cagney.
- James Cagney na Internet Movie Database (n'inglés)
- James Cagney n'español
Datos: Q94041- Multimedia: James Cagney
This article uses material from the Wikipedia Asturianu article James Cagney, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.