María Gracia Morales Carvajal (11 de payares de 1928, Madrid – 3 d'abril de 1995, Madrid) foi una actriz española, remembrada especialmente pola so inconfundible voz.
Gracita Morales | |
---|---|
Vida | |
Nacimientu | Madrid, 11 de payares de 1928 |
Nacionalidá | España |
Muerte | Madrid, 3 d'abril de 1995 (66 años) |
Familia | |
Casada con | Martín Zerolo (1960 – ) |
Estudios | |
Llingües falaes | castellanu |
Oficiu | actriz |
Premios | ver
|
IMDb | nm0602615 |
Nació en Madrid el 11 de payares de 1928. Yera fía del empresariu del madrilán Teatro Calderón. Tenía dos hermanos, Ana María y Pepito, y casó col pintor canariu Martín Zerolo.
Estudió danza clásica y española. Depués dedicóse al teatru, disciplina na que debutó a los venti años d'edá como meritoria na compañía de Luis Peña y Rosita Hernán. Tamién formó parte d'otres compañíes, como les d'Antonio Vico, Catalina Bárcena y Tina Gascó.
Ún de los sos ésitos teatrales foi na obra Maribel y la extraña familia, de Miguel Mihura, obra na que tamién participó na posterior adautación cinemtográfica de 1960, baxo la direición de José María Forqué. El so ésitu nel teatru llevóla al cine, col so debut en 1954 na película Elena. Participó n'alrodiu d'un cientu d'obres, pero recuérdase-y especialmente poles sos interpretaciones en títulos como Atraco a las tres, Sor Citroen, Los Palomos, La ciudad no es para mí, Operación Cabaretera o Cómo está el servicio.
A lo llargo la so carrera, quedó encaxellada nel papel estereotípicu de 'criada entrañable', con una comicidá que se vía acentuada pol so agudu timbre de voz.
This article uses material from the Wikipedia Asturianu article Gracita Morales, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.