La carabina (del francés carabine) ye una arma de fueu similar al fusil, pero xeneralmente más curtia y con menor potencia de fueu.
Les carabines fueron creaes a partir de fusiles, siendo esencialmente fusiles más curtios cola mesma munición, anque comúnmente con una velocidá menor. Tamién asocedió'l casu contrariu, onde'l fusil y la carabina adoptaos nuna nación nun taben rellacionaos téunicamente y utilizaben, por casu, municiones o mecanismos internos distintos.
Carabina | |
---|---|
clase funcional de armas (es) | |
arma de fuego larga (es) | |
Nel sieglu XIX, les carabines yeren les armes emplegaes poles tropes de caballería. Los soldaos a cuerpu usaben una arma de fueu de mayor tamañu y potencia de fueu, ente que la caballería precisaba un arma más pequeña y llixera. Estes dimensiones curties y pesu relativamente baxu fizo que les carabines fueren más fáciles d'usar mientres situaciones de combate a distancies curties, como la guerra urbana o en xungles, o que pueda utilizase dende vehículos. Les desventaxes principales de les carabines, en comparanza colos fusiles, son la so falta de puntería a llargues distancies y el so algame efectivu curtiu. A menores llargores de la mesma arma básica varia la so denominación: llamándose mosquetón a una carabina curtia, y tercerola a la que, utilizada fundamentalmente por fuercies de caballería, ye un terciu más curtia que la carabina. Na redolada anglosaxona, desque se pasó de la ánima llisa a rayada, tanto a carabines como a fusiles conoce como rifles.
This article uses material from the Wikipedia Asturianu article Carabina, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.