مليكة العرود (مزيودة ف 1959، توفات ف 6 أبريل 2023) كانت مغريبية بلجيكية لي تّحكم عليها ب تهمة د لإرهاب من عند محكامة بلجيكية ف 2010.
كانت عندها علاقة معا مونضامة لقاعدة و كانت كاتّعتابر من أنشط الجهاديين لإسلاميين د لأنتيرنيت ف ؤروپا.
مليكة العرود | ||
معلومات عامة | ||
زيادة | 1959 طانجا | |
لموت | 6 أبريل 2023 (63/64 عام) بروكسيل | |
لجنسية | لمغريب بلجيكا (–2017) | |
لحرفة | مجرمة | |
لّوغات لي كيعرف | عربية، لوغات أمازيغية و لفرانساوية | |
لفاميلة | ||
شريك | Moez Garsallaoui | |
معلومات خرى | ||
دين | إسلام | |
لعرود كانت هجّالة ديال عبد الستار دحمان لي غتال زعيم د لمقاومة ضد طالبان ف أفغانستان، أحمد شاه مسعود، ف 9 شتنبر 2001. ف 2003، كانت وحدة من بين 22 شخص لي تحاكمو ف بلجيكا ب تهمة ديال لمشاركة ف لقتيلة د شاه مسعود، ولاكين طلقوها حيت ماكانوش أدلة كافية. ف يونيو 2007، تحكم عليها ب لحبس لموقوف و على راجلها التاني معز ڭرسلاوي ب 6 شهور د لحبس من عند محكامة سويسرية حيت كانو كيسيّرو سيتات د لويب لي كاتدعم لقاعدة.
ف 2010، تّحكم عليها ب 8 سنين د لحبس بسباب أنشطة إرهابية، منّها دعم جماعات لي كانت كاتريكريتي جهاديين ف بلجيكا و فرانسا باش يحاربو ف أفغانيستان، و السلطات لبلجيكية حاولو يديپورطيوها ل لمغريب، بعدما تحيّدات ليها الجنسية د بلجيكا ف 2017. ولاكين مانجحوش ف الديپورطاج، و بقات لعرود ف بلجيكا تا ماتت على عمر د 64 عام.
This article uses material from the Wikipedia داريجة article مليكة العرود, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.