محمد الطود (تولد ف 1928 ف لقصر لكبير - مات ف 7 نونبر 2007 ف سلا) كان موسيقار و منشد مغريبي ديال لموسيقا لأندلسية، اللي كاتسمًا تا لموسيقا د لآلة. محمد الطود كان من الناس اللّي وتّقو وطوّرو هاد لموسيقا ف لقرن 20، مع فنانا آخرين بحال مولاي أحمد لوكيلي و عبد الكريم الرايس و محمد العربي التمسماني.
محمد الطود | ||
معلومات عامة | ||
زيادة | 1928 لقصر لكبير | |
لموت | 7 نونبر 2007 (78/79 عام) سلا | |
لجنسية | لمغريب | |
لحرفة | فنان د لعود و شاف د أوركيسطرا | |
لّوغات لي كيعرف | لوغات أمازيغية و عربية | |
لفاميلة | ||
شريك | لعالية مجاهد | |
معلومات خرى | ||
ستيل | أندلسي | |
تولد محمد بن عبد السلام الطود عام 1928 ف لقصر لكبير، ف عائلة محافظة. كان بّاه حافض لقرآن و علّمو التجويد من صغرو.
ف 1951 دخل مع لإذاعة ديال الرباط و كان تيجوّد فيها لقرآن كل نهار ربع ساعة، حتا تلاقا مع محمد مبيركو، اللي كان لمدير د لجوق لأندلسي د لإذاعة، و دخّلو معاه منشد للجوق. بقا الطود مع لجوق، و ف 1989، ملّي مات لأستاد ديالو مولاي أحمد لوكيلي، ولاّ هو الرئيس د لجوق.
من ماي 1989 ل فبراير 1992 شارك محمد الطود ف لمشروع د "أنطلوجية الآلة"، اللي دارتو وزارة التقافة مع دار ثقافات العالم ف باريز، و شاركات فيه 5 د لمجموعات د لأندلسي وطنية، باش يوتّقو ݣاع النوبات اللي كانت باقا محفوظة ديال لآلة.
كان محمد الطود مجوّج مع لفنانة لعالية مجاهد، و عتازل لموسيقى ف 1998. نهار 7 نونبر 2007 مات ف سلا، لمدينة اللي كان تيسكن فيها، و تدفن ف لمقبرة د باب معلقة ف نفس لمدينة.
هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article محمد الطود, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.