كوزينة مغريبية

لكوزينة لمغريبية عندها تاريخ طويل، نقدرو نݣولو بلي جاي من لعصور ديال لقبلتاريخ ؤ لبدايات ديال تّقافة لأمازيغية، ولاكين أقدم طّراسات ديالو لي موتّقة كيرجعو ل لقرن سّابع ق.م علا أقصى تقدير، ف لكتابات ديال لمؤرخين ليونانيين، ؤ ماكاتبدا تّشكّل بشكل لي واضح كيما كانعرفوها دابا، حتال ل لقرون لوسطانية.

من بين أهم لمؤترات لي كوّنات لعناصر ديال لكوزينة لمغريبية، كاينين مؤترات محلية أمازيغية، مشرقية، أندلوسية، ؤ ميديطيرانية. ؤكان عندها تأتير علا كوزينات خرين، سيرتو ف ؤروپا، بحال لكوزينة سّپنيولية، لفرانساوية ؤ طّاليانية، بحال طّاريقة ديال لمصاوبة د لورقة ف بسطيلة، لي ساهمات ف تطور لحلوى د ميلفاي.