فيمدوم

موضوع حساس! يقدر مايكونش كيناسب بعض لفئات لعمرية ؤ حتا لقاريين لكبار يقدر يسبب ليهوم نزعاج. يلا كنتي كاتضيرونجا من بحال هاد لمواضيع من لأحسن ماتكمّلش لقراية.

لفيمدوم (ب نّݣليزية Femdom من Female domination، سّيطرة د لمرا) ؤلا ضّوميناتريكس (ب نّݣليزية Dominatrix، لمرا لمسيطرة) هي كلمة نݣليزية كاتعني لمرا لي كاتكون مسيطرة على شّريك ديالها (راجل ؤلا مرا خرة) ف إطار نشاطات لبي دي إس إم ولا حتا فلحياة كلها، بحيث تيكون شريك لعبد و تّابع ف لعلاقة بيناتهم، وهي نوع من لفيتيشية و سّادية. ضّوميناتريكس ف لعادة كاتبغي تسبّب لألم لجسدي ل شّريك ديالها، ولاكين ماشي ب ضّارورة. تقدر تستعمل لحݣرة لإروتيكية بحال سّبان ب كلام جنسي، ؤلا تعطي ل شّريك شي حاجة يديرها ؤلا تديرها لي كاتسبب لإحراج.

ضّوميناتريكس ف لبلدان د لغرب كاتكون عادتن عاهرة كاتخلص على خدمتها. لموصطلح ديال ضوميناتريكس ف حد داتو ماكيتخدّمش عند لكميونيتي ديال لهواة د لبي دي إس إم، ؤ كيتفضل عليه لموصطلح ديال ضوم (ب نّݣليزية domme).

تيرجع تاريخ تاع لمرا لمسيطرة ل طقوس تاع رّبة إنانا (عشتار عند لأكاديين) ف ميزوپوطاميا (لعراق لقديمة). لباحيتين لقاو نصوص مسمارية قديمة فيها تراتيل إنانا دكرات أمتيلا تاع عيالات تيسيطرو على سّلوك لجنسي تاع رّاجل. و لاحضات لأركيولوجية آن نوميس بلي طقوس إنانا فيها مبادلة د لحوايج (راجل كيلبس بحال لمرا ؤ لعكس) و لعبادة د رّبة ب لألم و نّشوة باش ترضيها و فيها حتا لعقاب، و لبكا و لحزن.

و بدات فكرة لفيمدوم كا تخصص من تخصصات تاع لبورديلات قبل ماتولي خدمة. و تسجلات ملاحضات من عام 1590 فيها إشارات تاع سيطرة لمرا ف لعملية لجنسية على قبل نّشوة.