طيليسكوپ دجيمس ويب

ب عتيبارو أكبر طيليسكوپ بصري ف لفضاء، ؤ لحساسية لكبيرة ديالو ف لمجال تحت لحمر، عندو قدرة باش يشوف كسدات فلكية لي بعيدة، قديمة، ؤلا باهتة كتر بزاف من طيليسكوپ هابل لي كان قبل منو. من لمتوقع بلي هاد طّيليسكوپ غادي يفتح لمجال ل مجموعة د لأبحات ف لفلك ؤ لكوصمولوجيا، بحال لمراقبة ديال أول نجوم ؤ أول مجرات بانو ف لكون ؤ معلومات أدق على لجو ديال لكواكب برا لمجموعة شّمسية، سيرتو لي تقدر تكون فيها لحياة.

طيليسكوپ دجيمس ويب طوّراتو وكالة لفضاء لميريكانية نازا، ب تعاون معا وكالة لفضاء لؤروپية إيزا، ؤ وكالة لفضاء لكانادية. طّيليسكوپ مسمي على دجيمس إدوين ويب لي كان مودير ديال نازا مابين 1961 ؤ 1968. ؤ تصيفط ل لفضاء ف 25 دجنبر 2021، ؤ خرجات أول تصويرة خداها ل لإعلام ف 11 يوليوز 2022.