سارة حجازي

	سارة حجازي
	معلومات عامة
زيادة	1989; مصر
لموت	14 يونيو 2020 (30/31 عام); تورونتو
طريقة دلموت	نتيحار
لجنسية	مصر
لحرفة	ناشطة حقوق إل جي بي تي
لّوغات لي كيعرف	عربية
	معلومات خرى
لحيزب	حزب العيش والحرية

تشدات حجازي ف مصر ودخلات ل حبس، و تعدبات 3 شهور، حيتاش هزات ضراپو د لمتليين فواحد لحفلة ديال مشروع ليلى ف 2017 ف لقاهرة. فاش خرجات حجازي من لحبس عانات من اضطراب لي بعد صدمة من كترت تعديب. تعطا ل سارة حجازي حق لجوء ف كانادا، وبقات عايشة تما حتال نهار لوفاة ديالها.

حياتها

سارة حجازي تزادت ف 1989 ف أسرة محافضة من طبقة لمتوسطة. كانت هي لكبيرة ف خوتها ربعة. سارة عاونات لواليدة ديالها باش تربي خوتها من بعد ما مات بّاها، لي كان ستاد ديال سيونص ف لّيسي. سارة علنات على أنها ليزبيانة ف 2016.

لقراية

ف 2010، سارة حجازي تخرجات من معهد طيبة ب باكالوريوس ف أنظمة لمعلومات، و من لجاميعة لميريكانية ف لقاهرة ف 2016. سارة حجازي شدات بزاف ديال ديپلومات عن بعد: "نضال من أجل لمساواة 1950-2018" ، "لفيمينيزم و لعدالة لإجتماعية" ، "لمناهج ديال لبحت" ، و "فهم لعنف"، ف جامعة كولومبيا، جامعة كاليفورنيا سانتا كروز، جامعة لندن، جامعة پيتسبرغ، و جامعة إيموري.

توجهات سياسية

حجازي كتعتابر راسها شيوعية، وكانت كادعم حزب لخبز و لحرية فاش كانت ساكنة ف مصر، و كانت معا شبكة ربيع شتيراكي ف كندا. حجازي قالت بلي جراو عليها من لخدمة حيت كانت ضد نيضام ديال سيسي ف مصر. بعد 9 سنين من تورة لمصرية د 2011، سارة كتبات: "نيضام لقديم غادي يحاول يدير أي حاجة، حتا تضحية ب رموز ديالو، باش يبقا ف صولطة"، و وصفات رئيس سيسي بلي هو "أعنف ديكتاتور ف تّاريخ لعصري"، وكتبات بلي "توّار كايآمنو بلي ل معركة هي معركة ديال طبقات"، حجازي كتبات بلي من نتائج ديال تورة لي مكملاتش "أن أغلبنا دابا يا إما ف لقبر، ف لحبس، ولا ف لمنفى".

لإضطهاد ف مصر

ف 22 شتنبر 2017، سارة حجازي حضرات لواحد لحفل ديال واحد لفرقة لبنانية سميتها مشروع ليلى، لي رئيس ديالها متلي. حجازي كانت مع لمجموعة تعتاقلو بتهمة أنهم رفعو ضراپو د مجتمع لميم. تحاكمات سارة بتهمة "لإنضمام لمجموعة ماشي قانونيةـ بغرض أنها دير أعمال لي ماشي أخلاقية". لإعتقال ديالها كان جزء من سياسة ديال مصر، لي ماكاتسامحش مع مجتمع لميم. سارة حجازي تشدات 3 شهور ف مخفر سيدة زينب، تما فين حرضو لحبّاسا لمحابسية باش يضربوها و يتعداو عليها جنسيا. ف 24 شتنبر 2018، سارة حجازي عاودات قصتها ف واحد لارتيكل ف جورنال سميتو مدى مصر. سارة ݣالت بلي تعتاقلات من دارها وقدام واليديها، و ف تحقيق سولوها على ديانة ديالها، وعلاش حيدات زيف، و واش هي ڤييغج. سارة حجازي قالت بلي بوليسي دور ليها عصابة على عينيها باش ماتشوفش، ومن بعد داها ب طوموبيل لواحد لبلاصا ماعرفتهاش. بقات مربوطة ف واحد لكرسي، و فمها مكمم. تعرضات للضريب ب ضو حتى سخفات. تعرضات سارة للتهديد بأن لواليدة ديالها غادي تعدب يلا عاودات هادشي لي وقع ليها لأي واحد. سارة حجازي طلقات من لحبس ف 2 يناير 2018، وخلصات 56 دولار غرامة. عانات سارة من ليكتئاب، نوبات ديال دعر، اضطراب لي بعد صدمة. لخوف من اضطهاد اخر، خلا سارة طلب لجوء ل كندا ف 2018. سارة فقدات لواليدة ديالها شهر من بعد حيت كانت مريضة ب لكونصير.

لموت ديالها

سارة حجازي ماتت نهار 14 يونيو 2020 ف طورونطو، كانادا. ف 15 يونيو لمحامي ديالها خالد المصري أكد لوفاة ديالها أنها نتيحار. سارة حجازي خلات واحد رسالة قصيرة ب لعربية، ولي نتاشرات ف سوشال ميديا. سارة حجازي كاتݣول ف هاد رسالة: "لخوتي، حاولت باش نعتق راسي مي ماقدرتش، سمحو ليا. لصحابي، تجربة لي دوزت كانت خايبة بزاف، وأنا ضعيفة بزاف باش نقاومها، سمحو ليا. للعالم، كنتي قاصح عليا بزاف، ولكن أنا كانسامح". لموت ديالها داز ف بزاف ديال لقنوات لإعلامية ف لعالم.

عيون لكلام

تقدر تزيد شوف بزاف د تّصاور و لمعلومات ديال Sarah Hegazi ف ويكيميديا كومنز.

This article uses material from the Wikipedia داريجة article سارة حجازي, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.