Кӱӱгей Чырбыкчинович Тӧлӧсӧв (кичӱ изӱ айдыҥ 4 кӱни 1937, Каспа) — сыгын айдыҥ 28 кӱни 2000) — алтай бичиичи.
Сӧӧги — тӧӧлӧс.
Кӱӱгей Чырбыкчинович Тӧлӧсӧв | |
---|---|
Чыккан ӧйи | кичӱ изӱ айдыҥ 4 кӱни 1937 |
Божогон ӧйи | сыгын айдыҥ 28 кӱни 2000 (63 јаш) |
Ороон | |
Иш-тоштыҥ бӱдӱми | бичиичи, ӱлгерчи |
Кӱӱгей Чырбыкчинович Тӧлӧсӧв 1937 јылда кичӱ изӱ айдыҥ 4-чи кӱнинде Шабалин аймакта Каспа јуртта чыккан. Адазы Ада-Тӧрӧл учун Улу јууда јеҥ јастанган, тогус јаштуда энези јада калган. Јаан јашту Калбаҥ Чинатов деп кайчы кижиниҥ, таай адазыныҥ јанына јӱрӱп, ада јаштаҥ ла ала јӱрӱмниҥ учурын, ар-бӱткениҥ айалгаларын сӱреен јакшы оҥдоп ло билип алган.
Кӱӱгей Чырбыкчинович алтай бичиичилер ортодо сӱреен јилбилӱ бичиштӱ кижи, оныҥ поэзиялык сӧзи — ӱлгер кептӱ проза. Ол ажыра ар-бӱткен кижиниҥ сӱр-кеберин тартынып, ойноп-каткырып, сӱӱнип-кӱӱјип, комыдап -сыктап, онтоп-оорып турар. Кӱӱгей Тӧлӧсӧв — ол алтай калыктыҥ јаткан телекейин, јӱрӱмин «микроскоп ажыра кӧрӱп, лаптап ла табылу ширтеп», бойына карудаҥ кару ла јуук тӧрӧл тилиле сӧс-јуруктар јураган сӱрекей ус бичиичи. Оныҥ «Кадын јаскыда» деген романын кычыраачылар тыҥ баалайт. Кӱӱгей Чырбыкчинович јирмеге јуук бичиктиҥ авторы. Оныҥ «Алтайдыҥ јаазы» деп бичигиндеги куучындары француз тилге кӧчӱрилген."Кӱӱгей Тӧлӧсӧв јаҥыс ла уур јӱрӱмниҥ, шыраныҥ ла комудалдыҥ, кунуктыҥ ла бӱдӱнбестиҥ бичиичизи эмес, ол канча кокыр-каткылу, сӱӱнчилӱ ле јаркынду куучындарды база бичиген. Кижи болгон кийнинде тартыш, иштен, јӱрӱмди јакшы јӱр деп кычырат" — мындый сӧстӧрлӧ бистиҥ јарлу бичиичи Јыбаш Каинчин Кӱӱгей Тӧлӧсӧвтыҥ чӱмделгези керегинде айдып салган.
This article uses material from the Wikipedia Алтай article Тӧлӧсӧв, Кӱӱгей Чырбыкчинович, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ӧскӧзи кӧргӱзилбеген болзо, контентти CC BY-SA 4.0 лицензияла эдинерге јарар. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Алтай (DUHOCTRUNGQUOC.VN) is an independent company and has no affiliation with Wiki Foundation.