Wil Sg: Es Landstädtli und e politeschi Gmeind im Kanton Sanggalle

Wil
	Wappe vo Wil
Basisdate
Staat:	Schwiiz
Kanton:	St. Galle (SG)
Wahlchrais:	Wil
BFS-Nr.:	3427
Poschtleitzahl:	9500 Wil ; 9552 Bronschhofen
UN/LOCODE:	CH WIL
Koordinate:	/ 25856847° 28′ 0″ N, 9° 3′ 0″ O; CH1903: 721481 / 258568
Höchi:	571 m ü. M.
Flächi:	20,81 km²
Iiwohner:	24'541 (31. Dezämber 2022)
Website:	www.stadtwil.ch
Charte
	Charte vo Wil

S SG im Lemma isch s offiziell Chürzel vom Kanton Sanggalle und wird bruucht, zum Verwächslige mit Yträäg vom Name Wil vermyde, wo öppis anders meined.

Bronschhofe).

Gschicht

Will wärend meh als 500 Joor z Wil Fürschtäbt vom Chloschter Sangalle residiert händ, haisst Wil au Hüt no Äbtestadt. Vor 1226 hät Wil dä Grofe vom Toggeburg ghört und ab 1798 för fööf Johr zum ehemolige Kanton Säntis. Dank de wichtige Vercherslag und em Marträcht, wo Wil dor d Fürschtäbt i de zwaite Hälfti vom föfzääte Johrhundert übercho händ, hät d Stadt en Uufschwung erläbt. No hüt zügt d Altstadt mit em Hof zu Wil vo säbere Zyt. 1984 hät Wil drum au de Wakkerpriis übercho.

Am 3. Juli 2011 händ d Stimmbürger vo Wil und Bronschhofe mit eme Jo-Stimme-Aatail vo 63,2 respektiv 78,3 Prozänt de Fusion zunnere nöie politische Gmeind Wil uf de 1. Januar 2013 zuegstumme. Endi Dezember vor de Fusion hät Bronschhofe 4'675 und Wil 18'206 Iiwohner gha.

Am 4. November 2012 isch d Susanne Hartmann (CVP) zur nöie Stadtpräsidentin vo Wil gwäält worde. Si isch als wildi Kanditatin zu däne Wahle aaträte, da haisst, si isch vo ihrer aigne Partai nöd understützt worde. D Susanne Hartmann isch di ersti Frau im Kanton Sangalle, wo e Stadt präsidiere dörf.

Sehenswürdigkaite

Hof zu Wil, ehemoligi Residänz vo de Fürschtäbt
Altstadt, mittelalterlich prägt
Stadtcherche Sankt Niklaus, afangs 14ti Joorhundert
Pfarrcherche Sankt Peter, (erschti Pfarrcherche z Wil)

Verchehr

Wil isch im Fürschteland en wichtige Chnotepunkt für de Strosse- und Schinäverchehr. Wil hät mit de Autobahn A1 Sangalle-Züri e gueti Wescht-Oscht-Verbindig und mit de Hoptstross vo Chrützlinge dor dä Thurgau und witer dörs Toggeburg uuf, öber Wattwil bis uf Wildhuus, au e wichtegi Nordsüd-Achse.

Blick vo Nordoschte uf d Wiiler Altstadt und de Stadtwaier (rechts)

Persönlichkaite

Wil isch de Geburtsort vo däne Lüt:

Max Peter Ammann (* 1929), Filmregissör
Kurt Felix (1941–2012), Fernsemoderator vom Teleboy und vo Verstehen Sie Spaß?
Johann Baptist Hilber (1891–1973), Musiker, Komponischt und Chorlaiter
Anna Sutter (1871–1910), Operesängeri

Weblink

Commons: Wil – Sammlig vo Multimediadateie

Fuessnoote

This article uses material from the Wikipedia Alemannisch article Wil SG, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.