Pascal Gamboni: En Sänger us em Bündner Oberland
De Pascal Gamboni (* 9.
Juni">9. Juni 1977; [ˈpaʃkɐl gɐmˈboni]) isch en Sänger uss em Bündner Oberland, wo ùff Rätoromanisch ùn Änglisch singt. Er isch z Sedrun in de Gmei Tavetsch ùffgwaggse ùn singt in de Mùndart Tuatschin vo Sedrun, wo innerhalb vùm Surselvische e sproochligi Sùnderstellig het. Ùff d Schuel isch er z Sedrun gange, ùn deno für fümf Joor ùff s Musikgymnasium vo Feldkirch.
1997 het er zämme mit em Curdin Brugger ùnter em Name „Ils cantauturs passiunai“ e erschti CD ussebrocht ùn in de Surselva Konzert gee. Er isch deno für zwei Joor ùff Wien, wo d Grùppe „Clean“ gründet worde isch, ùn wyter für 10 Joor ùff Ängland, zerscht ùff Bristol ùn deno London. Dörte isch er mit „Clean“ ùn spööter mit „Temple Thief“ Songwriter, Performer ùn Produzänt gsi. Usserdäm isch e zweits Album mit em Curdin Brugger ùffgnoo worde.
Spööter isch de Pascal Gamboni ùff Bärn zoge, wonner hüt (Stand: 2015) läbt. 2009 isch syn erschte Soloalbum, Siat Vanauns ùff Surselvisch ussecho, gfolgt vo As fiug?, au mit romanische Lieder.
Usserdäm het er 2012 zämme mit em Rees Coray s Album I am THE SONG is me ùff Romanisch ùn Änglisch ùn mit de Eveline Rütschlin s Album Buddha verboten mit änglische ùn dütsche Lieder ussebrocht, ùn isch bi Lesige mit em romanische Schriftsteller Arno Camenisch ùffträte. Im glyche Joor isch no e Soloalbum ussecho, Seed of Song, mit Lieder ùff Änglisch, Dütsch ùn Romanisch. 2013 isch deno e Soloalbum, Tiara, hauptsächlig ùff Romanisch, gfolgt, ùn 2015 e meesproochigs Album La Ventira.
2016 isch deno wiider e Album zämme mit em Rees Coray ussecho, Veta gloriusa, mit Lieder ùff Romanisch ùn Änglisch.
Diskographi
Albe
Solo:
- 2009: Siat Vanauns - Surselvisch
- 2011: As fiug? - Surselvisch
- 2012: Seed of Song - Dütsch, Änglisch, Surselvisch
- 2013: Tiara - Surselvisch
- 2015: La Ventira - Surselvisch, Änglisch, Dütsch
Mit Passiunai:
- 1997: Sen plaz scola; Surselvisch
- 2001: Steilas da grep; Surselvisch
Mit Clean:
- 2002: More or less the truth
- 2003: Universal Language
Mit em Rees Coray:
- 2012: I am THE SONG is me
- 2016: Veta gloriusa
Diversi:
- 2012: Buddha verboten - mit de Eveline Rütschlin
- 2012: Arno Camenisch & Pascal Gamboni - Liveùffnaame vo Lesige/Konzert zämme mit em Arno Camenisch; Dütsch, Änglisch, Französisch, Surselvisch
Weblink
Fuessnote
This article uses material from the Wikipedia Alemannisch article Pascal Gamboni, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.