D Uniwersidäät Friburg (franzöösisch Université de Fribourg , dytsch Universität Freiburg, latiin. Universitas Friburgensis) z Friburg im Üechtland (franzöösisch Fribourg) isch die säggstgrössti und äinzigi zwäisproochigi Uniwersidäät in dr Schwiz.
Université de Fribourg Universität Freiburg | |
---|---|
Motto | «Partager les savoirs – gemeinsam Wissen schaffen» |
Gründig | 1889 |
Drägerschaft | staatlig: Kanton Friburg |
Ort | Friburg, Schwiz |
Räktere | Astrid Epiney (15. Merz 2015 bis 14. Merz 2019) |
Studänt*ene | 10'248 (2014) |
Mitarbeiter*ne | 2176 (2014) |
Johresbudget | 207 Millione CHF (2014) |
Netzwärch | BeNeFri |
Website | www.unifr.ch |
Studiejoor | Studänte |
---|---|
1990/1991 | 6'327 |
1995/1996 | 8'746 |
2000/2001 | 8'849 |
2005/2006 | 9'936 |
2006/2007 | 9'912 |
2007/2008 | 9'952 |
2009/2010 | 9'617 |
2010/2011 | 9'651 |
2013 | 10'164 |
2014 | 10'248 |
An dr Uniwersidäät si 2014 2176 Persone (dodrvo 140 Ordinarie, 107 assoziierti Brofässer und 278 Leerbeufdragti und 826 wüsseschaftligi Mitarbäiter) beschäfdigt gsi, 10'248 Studänte (5971 Fraue und 4277 Manne, 8448 mit Woonsitz in dr Schwiz) si iigschriibe gsi. D Zaal vo de Studierende het sich in de letschte 15 Joor mee as verdobblet, 2003/04 si s zum erste Mol mee as 10'000 gsi. Im Joor 2014 isch d Muetersprooch vo 3645 Studierende Dütsch gsi, vo 4056 Französisch und vo 999 Italiänisch Muttersprache.
D Uniwersidäät befindet sich im Gränzgebiet zwüsche dr Dütschschwiz und em Wältschland. Die mäiste Studiegäng wärde uf Dütsch und uf Französisch aabote, was Studierendi us dr ganze Schwiz und dr Wält aazieht: Dr Däil vo Studierende us andere Kantöön isch im Vergliich zu andere Schwizer Hochschuele überdurchschnittlig hooch, und öbbe 20 Brozänt vo de iigschribene Studierende stamme us em Usland. D Uniwersidäät Friburg isch zämme mit dr Uniwersidäät z Cluj, dr Uniwersidäät Luxeburg und dr Freie Uniwersidäät Boze äini vo de meersproochige Uniwersidääte in Öiropa.
Dr Hindergrund für d Gründig von ere Uniwersidäät in ere eender chliine Stadt isch dr Kulturkampf gsi, wo in de 1870er Joor s sekuläre Staatswääse in dr Schwiz sich witgehend gege d Aasprüch vo dr Kurie duuregsetzt het. Schwizerischi Katholike häi druf en Uniwersidäät im ene katholische Kanton welle, wo noch em katholisch-konservative Staatsroot Georges Python Elite söll usbilde, wo s Volk vor de Gfoore vo dr Modärne wurde schütze. Drotzdäm isch d Uniwersidäät offiziell nie e «katholischi Uniwersidäät» gsi.
D Uniwersidäät isch 1889 entstande, wo am 4. Oktober dr Grooss Root vom Kanton Friburg für d Gründig vo dr erste Uniwersidäät in dr katholische Schwiz grüens Liecht gee het. Für die Hochschuel het vor allem dr Python hartnäckig kämpft. Es isch em glunge, die finanzielle Middel z beschaffe und d Politiker drvo z überzüüge, ass en Uniwersidäät nöötig sig.
S Kollegium Sankt Michael, wo 1582 gründet worde isch, und bsundrigs si theologischi Fakultät wärde as die ersti Käimzälle vo dr Uniwersidäät aagluegt. E witeri Vorlöifere vo dr Uniwersidäät isch e Rächtsakademii («Rächtsschuel») z Friburg im Joor 1763, wo sich im Albertinum befunde het und wo sich 1889 dr nöi gründete Uniwersidäät as Juristischi Fakultät aagliideret het.
1941 isch s Hauptgeböid Miséricorde (Barmhärzigkäit) an dr Avenue de l’Europe z Friburg, iigweit worde. Es isch vom Le Corbusier-Schüeler Denis Honegger entworfe worde und stoot hüte under Dänggmolschutz. Sit em Oktober 2005 het d Uniwersidäät uf em Plateau de Pérolles e nöis Geböid für 2'200 Studierendi an dr Wirtschafts- und Sozialwüsseschaftlige Fakultät, grad näbe andere Uniwersidäätsgeböid und dr Fachhochschuel.
D Uniwersidäät Friburg bestoot us fümf Fakultäte und bietet e Hufe Studiegäng aa:
Staatlichi Universitete | Universitet Baasel • Universitet Bärn • Universitet Fryburg • Universitet Gämf • Università della Svizzera italiana • Universitet Lausanne • Universitet Lozärn • Universitet Nöieburg • Universitet Sanggale • Universitet Züri | |
Technische Hochschulen | ||
Fachhochschuele | Bärner Fachhochschuel • Fachhochschuel Graubünde • Fachhochschuel Les Roches-Gruyère • Hochschuel Lozärn • Fachhochschuel Nordweschtwyz • Fachhochschuel Oschtschwyz • Scuola universitaria professionale della Svizzera italiana • Fachhochschuel Weschtschwyz • Zürcher Fachhochschuel • Kalaidos Fachhochschuel | |
Pedagogischi Hochschuele | HEP BEJUNE • PH Bärn • PH Fryburg • PH Graubünde • SUPSI DFA • PH Lozärn • FH Nordweschtschyz PH • SHL Rorschach • PH Schaffuuse • PH Schwyz • PH Sanggale • PH Thurgau • HEP Vaud • PH Wallis • PH Zug • HfH • PH Züri |
Dä Artikel basiert uff ere fräie Übersetzig vum Artikel „Universität_Fribourg“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Universität Freiburg (Schweiz), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.