Dr Thierry Marcel Ernest Burkhard (* 30.
Juli">30. Jüüli 1964 z’ Delle, Territoire de Belfort) ìsch a frànzeescher Àrmeegenerààl. Ar ìsch vu Jüüli 2019 bis ìm Jüüli 2021 Generààlschtààbschäff vum Heer gsìì, un ìsch sitter Jüüli 2021 Generààlschtààbschäff vu da Frànzeescha Schtraitkräfta.
Dialäkt: Mìlhüüserdiitsch |
Dr Thierry Burkhard ìsch ànna 1964 z’ Delle bii Baffert uff d’ Walt kumma. Ar schtàmmt vun’ra evànggelischa Fàmìlia. Sii Vàtter ìsch Lehrer gsìì ìn’ra Berüafsschüal. Dr Burkhard ìsch z’äärscht Schialer àn dr Täcknischa Militäärischa Vorberaitungsschüal vu Le Mans gsìì, un d’rnooh àm Militäärgümnààsium vun Aix-en-Provence. Vu 1985 bis 1988 ìsch’r Schialer ìm 172. Joohrgàng vu dr Schpeziààla Militäärschüal vu Saint-Cyr gsìì. Doo druff hàt’r àn dr Infàntriischüal vu Montpellier gschtudiart.
Vu 1989 bis 1996 ìsch dr Burkhard ìm 2. Främda-Fàllschìrmjaagerregimant beraitgschtällt gsìì. Mìt dam Regimant hàt’r ìm Iràk, Jugoslààwia, Tschad un Gabun gekampft. Ar ìsch d’rnooh viar Joohra làng àls Wàchoffiziar Mìtglììd ìm Zäntrum fìr Operàzioonsplàànung un -fiahrung (CPCO) z’ Pàriis gsìì. Ànna 1997 ìsch’r àls Kummàndànt befäärdert worra. Ar hàt ànna 2000 a witterer Schüalàbschluss àm Schtraitkräfta-n-ìwwergraifenda Vertaidigungskolleeg z’ Pàriis bschtànda; d’rnooh ìsch’r ìn d’ Främdalegioon z’ruckkumma un hàt àm 4. Främdaregimant z’ Castelnaudary gschàfft. Ànna 2001 ìsch’r Owerschtlöitnànt worra.
Vu 2022 bis 2004 ìsch dr Burkhard Schäff vu dr Operàzioonsdiwisioon vum Schtraitkräfta-n-ìwwergraifenda Generààlschtààb ìn Frànzeesch-Guayana z’ Cayenne gsìì. Ànna 2005 ìsch’r nochamol ìns Generààlschtààb vu da Frànzeescha Schtraitkräfta un ìns CPCO versätzt worra. Doo ìsch’r Owerscht worra. Ànna 2006 ìsch’r militäärischer Mìtàrwaiter vum Fiahrer vu dr Operàzioon Licorne ìn dr Älfabaikìschta worra —àlso z’äärscht vum Generààl Elrick Irastorza un d’rnooh vum Generààl Antoine Lecerf. Vu 2007 bis 2008 ìsch’r Mìtàrwaiter vum Christophe Prazuck gsìì, wo Kommünikàzioonsberooter biim Generààlschtààbschäff vu da Schtraitkräfta gsìì-n-ìsch. Àn dara Schtälla-n-ìsch’r zwai Mol ìn Àfghànischtàn gànga.
Vu 2008 bis 2010 ìsch dr Burkhard zem lätschta Mol ìn d’ Främdalegioon versätzt worra, àls Korpsschäff ìn dr 13. Semi-Brigààda z’ Dschibuti. Ìm Àuigscht 2010 ìsch’r àls Kommünikàzioonsberooter biim Generààlschtààbschäff vu da Schtraitkräfta ärnännt worra; dàs Àmt hàt’r bis ìm Àuigscht 2013 üssiawt. Vu Septamber 2013 bis ìm Joohr 2015 ìsch’r militäärischer Berooter biim Nàzionààlkoordinàtoor vum Gehaimdianscht Élysée-Pàlàscht, em Alain Zabulon, gsìì. Àn dara Schtälla-n-ìsch’r àm 1. Àuigscht 2014 àls Brigààdagenerààl befäärdert worra. Doo hàt’r dr Emmanuel Macron kännaglehrt, wo àn dara Zitt biigoordneter Generààlsekretäär biim frànzeescha Schtààtspresidànt François Hollande gsìì-n-ìsch. Ar hàt àui dr Pierre Schill kännaglehrt, wo ìm Militäärkàbinäät vum Schtààtspresidànt hàt düa schàffa. D’rnooh ìsch’r Burkhard ìm CPCO z’ruckkumma: z’äärscht àls Fiahrungsschäff àb Àuigscht 2015, un d’rnooh àls Kummàndànt àb’m 1. Àuigscht 2017 — àm gliicha Tààg ìsch’r àls Diwisioonsgenerààl befäärdert worra.
Àm 31. Jüüli 2018 ìsch dr Burkhard àls Ìnschpakter vum Heer ärnännt worra. D’rfìr ìsch’r àm gliicha Tààg àls Àrmeekorpsgenerààl befäärdert worra.
D’ Nominiarung vum Thierry Burkhard àls Generààlschtààbschäff vum Heer hàt d’ Vertaidigungsminìschtera Florence Parly ìn’ra ungweehnliger Àrt verkìndet. Ìn’ra Reed bii da Faijerligkaita zem Àbschììd vum Generààlschtààbschäff Jean-Pierre Bosser àm 10. Jüüli 2019 hàt sa dr Thierry Burkhard àls sii Noohfolger ärwähnt. D’ Nominiarungsààziaga-n-ìsch numma-n-àm 17. Jüüli ìm Journal officiel veräffentligt worra. Àm 20. Jüüli 2019 hàt dr Generààl Bosser ìm Generààl Burkhard a Befahlsschwart ìwwergaa —domìt ìsch dr Burkhard dr näija „Vàtter vu da Tràdizioona ìnnerhàlb vum Heer“ worra.
Àm 31. Jüüli 2019 ìsch dr Burkhard offiziäll ìns Àmt vum Generààlschtààbschäff vum Heer iigfiahrt worra. Àm gliicha Tààg ìsch’r àls Àrmeegenerààl befäärdert worra. Àls Generààlschtààbschäff hàt z’äärscht z’ Pàriis d’ Soldààta vu dr Operàzioon Sentinelle bsüacht, un hàt schpeeter dr Befräijungsgfäährta Hubert Germain getroffa. Ar hàt schpeeter d’ Verlätzta vum Heer àm Militäärkrànkahüüs Percy bii Pàriis bsüacht. Ar hàt àui àn da schtààtliga Faijerligkaita-n-àm Gebainerhüüs vu Douaumont mìtgmàcht. Àm And vu da Faijerligkaita hàt’r ìn junga Soldààta-n-ìhra Käppi gaa.
Àm 13. Jüüni 2021 hàt dr Àrmeegenerààl François Lecointre sii Rucktrìtt üss’m Àmt vum Generààlschtààbschäff vu da Frànzeescha Schtraitkräfta verkìndet. Àls sii Noohfolger ìsch dr Burkhard verkìndet worra. D’ Ärnännung ìsch offiziäll àm 7. Jüüli 2021 wahre’ma Minìschterroot bschtaadigt worra.
Àls Generààlschtààbschäff vu da Schtraitkräfta-n-ìsch dr Bukhard mehrmols ìn Wäschtàfrikà gànga, fìr mìt da frànzeescha un àfrikànischa Soldààta reeda. Ar ìsch z’äärscht ìm Septamber 2021 ìn Tschad, Niger un Mali gànga, d’rnooh ìn d’ Älfabaikìschta ìm Hornung 2022 un nochamol ìn Mali, Niger un Gabun ìm Àwrìl 2022. Ìm Septamber 2022 hàt’r z’ Pàriis dr Generààlschtààbschäff vu da Israelischa Schtraitkräfta Aviv Kochavi getroffa.
Wahrem Kriag ìn dr Ukràina hàt dr Burkhard ìm Oktoower 2022 wälla, àss d’ Frànzeescha Schtraitkräfta ìhra Presänz ìn Oschtöiropà verschtärka. Dàs hàt dr Vertaidigungsminìschter Sébastien Lecornu ààgnumma.
Dr Thierry Burkhard ìsch verhiiroota un hàt dräi Kìnder.
Dä Artikel basiert uff ere fräie Übersetzig vu dere Version vum Artikel „Thierry_Burkhard“ vu de französische Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Thierry Burkhard, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.