Renate Zoepffel

August">23. Augschte 1934 z Mexiko-Stadt; † 19. Jänner 2024 z Fryburg) isch e dytschi Althischtorikeri gsii.

D Renate Zoepffel het vu 1955 bis 1965 Alti Gschicht, Klassischi Archeology un Klassischi Filology an dr Uniwersitet Frankfurt am Main un dr Uniwersitet Fryburg studiert. Zwische 1957 un 1959 isch si zum Studium z Mexiko gsii. Im Februar 1965 het si bim Hermann Strasburger zum Thema Untersuchungen zum Geschichtswerk des Philistos von Syrakus promewiert. Derno isch d Zoepffel Wisseschaftligi Assischtänti am Seminar fir Alti Gschicht vu dr Uniwersitet Fryburg gsii. Dert het si si 1977 mit Arbete zum Hadrian un em Aristoteles habilitiert. D Zoepffel isch di eerscht Frau gsii, wu si z Fryburg in Gschichtswisseschafte het chenne habilitiere. 1981 isch si z Fryburg zur Usserblanmäßige Brofässeri ernännt wore. Nodäm d Zoepffel zerscht 1991/92 Frauebeufdraiti vu dr Fakultet gsii isch, isch si vu 1992 bis 1997 Frauebeufdraiti vu dr Uniwersitet gsii un vu 1995 bis 1997 Sprächeri vu dr Landeskumferänz vu dr Uniwersitets-Frauebeufdraite. Di het au Verdienscht ghaa bi dr Grindig vu dr Uniwersitets-Chinderdagesstätt vum vum zuegherige Dregerverain. 1997 isch si in Ruestand gange.

D Forschigsschwärpunkt vu dr Zoepffel sin di Griechisch Gschichtsschrybig, di antik Sozialgschicht un Gschlächterbezieige im antike Griecheland gsii. Im Rame vum große Projäkt vun ere Aristoteles-Neiuusgab het si di pseudo-aristotelisch Oikonomika ibersetzt. Anne 1999 isch d Zoepffel fir iri Verdienscht mit em Fraueferderbryys vu dr Uniwersitet uuszaichne, 2002 het si s Bundesverdienschtchryz am Band iberchuu.

• Historia und Geschichte bei Aristoteles. (= Abhandlungen der Heidelberger Akademie der Wissenschaften, Philosophisch-Historische Klasse. Jahrgang 1975, Abhandlung 2). Winter, Heidelberg 1975, ISBN 3-533-02450-4.
• Uusegee zäme mit em Walter Schmitthenner: Hermann Strasburger: Studien zur Alten Geschichte. Olms, Hildesheim und New York, 1982 und 1990 (3 Bände) ISBN 3-487-07084-7; ISBN 3-487-07085-5, ISBN 3-487-09363-4.
• Uusegee zäme mit em Jochen Martin: Aufgaben, Rollen und Räume von Frau und Mann. Alber, Freiburg im Breisgau und München 1989, ISBN 3-495-47554-0 (Veröffentlichungen des Instituts für Historische Anthropologie e. V., Band 5, Kindheit, Jugend, Familie Band 3).
• Oikonomika. Schriften zu Hauswirtschaft und Finanzwesen (= Aristoteles, Werke in deutscher Übersetzung. Band 10, Teil 2). Akademie-Verlag, Berlin 2006, ISBN 3-05-004002-5.

• Literatur vu un iber Renate Zoepffel im Katalog vu dr Dütsche Nazionalbibliothek
• d Renate Zoepffel uf dr Websyte vum Seminar fir Alti Gschicht vu dr Uniwersitet Fryburg
• Schrifte vu dr Renate Zoepffel in Propylaeum-DOK
• Druuraazaig vu dr Uniwersitet

Dä Artikel basiert uff ere fräie Übersetzig vu dere Version vum Artikel „Renate_Zoepffel“ vu de dütsche Wiki Alemannisch. E Liste vu de Autore un Versione isch do z finde.