Kernkraftwerk Fukushima I

福島第一原子力発電所, Fukushima daiichi genshiryoku hatsudensho ^ⓘ/?) isch ais vu dr greschte Chärnchraftwärch z Japan. S lyt z Ōkuma im Landchrais Futaba in dr Präfektur Fukushima, rund 250 km nerdli vu Tokio, diräkt am Meer. Zwelf Kilometer wyt ewäg lyt s Chärnchraftwärch Fukushima II.

Kernkraftwerk Fukushima I
Bild gsuecht  BW
Lag
Koordinate	, 141° 1′ 57″ O37.421388888889141.032537° 25′ 17″ N, 141° 1′ 57″ O
Land:	Japan Japan
Date
Eigedimer:	Tōkyō Denryoku
Bedriiber:	Tōkyō Denryoku
Projektaafang:	1966
Kommerzieller Bedrib:	26. März 1971
Stillgleiti Reaktore (Brutto):	4  (2.812 MW)
Blanung iigstellt (Brutto):	2  (2.760 MW)
Iigspeisti Energi im Johr 2009:	29.891 GWh
Iigspeisti Energi sit Inbedribnahm:	877.692 GWh
Website:	www.tepco.co.jp
Stand:	21. März 2011
D Datequelle vu dr Iidräg findet sich in dr Dokumentation.

Fukushima I isch s erscht Chärnchraftwärch vum Energiversorgigsunternämme Tōkyō Denryoku (Tokyo Electric Power Company – TEPCO). Dur s Tōhoku-Ärdbidem am 11. Merz 2011 un em Tsunami dernoo isch s in däm Chraftwärch zuen ere Uufallserie mit mehrere Explosione chuu un zum Uusfall vu dr Chielsyschtem.

Fukushima I bstoht us segs Siedewasserreaktore. D Bleck 1, 2 un 6 sin vu General Electric böue wore, Block 3 un 5 vu Toshiba un Block 4 vu Hitachi. Dr Böu vu zwee Bleck vum Typ Furtgschrittene Siedewasserreaktor isch blant. S Chielwasser beziet d Aalag us em Meer. Insgsamt het d Aalag e Flechi vu ca. 3,5 km². Syt em 21. Augschte 2010 sin im Block 3 MOX-Brännelemänt mit ere Mischig us Uranoxid un Plutoniumoxid im Yysatz.

D Stilllegig vum Block 1 aafangs 2011 isch langi Zyt blant gsii. Im Februar 2011 het di japanisch Atomufsichtsbeherde NISA d Laufzyt aber um 10 Johr verlengeret.

Am 11. Merz 2011 isch s Chraftwärch noch em schwäre Tōhoku-Ärdbidem automatisch abgschalte wore. Zue däm Zytpunkt sin d Blöck 1, 2 und 3 in Bedrib gsii, d Blöck 4, 5 und 6 sin wäge Wartigsarbeite abegfahre gsii. TEPCO het brichtet, ass d Notstromdiesel-Generatore aagange sin, aber noch aire Stund dur d'Flutwälle vom Tsunami, wo in d' Maschinehüüser iidrunge sind, überflutet worde sind und abgstellt hän, so dass fir d Blöck 1, 2 un 3 d Chielig nimmi glängt het go d Noozerfallswermi abfiere. Anderi mobili Generatore sin mit dr Ziit beibrocht wore. D Generatore hän aber bis zum 12.03. demorge MEZ nit chenne agschlosse wäre, wel d Kabel derzue gfählt hän un wel Zuefahrtswäg verspeert gsii sin..

Z'erscht im Reaktor 1, schpöter au i de Reaktore 2 und 3, het me gmerkt, dass d'Reaktorkärne langsam afönd schmelze. Zum erschte Mol in dr Gschicht vu Japan het dr Regierigsschef Naoto Kan dr AKW-Notstand mieße uusriefe. Z'erscht sin d Aawohner im Umchrais vu drei Kilometer ufgforderet wore, sich in Sicherhait z bringe. D Aawohner im Umchrais vu zeh Kilometer sin ufgforderet wore, in ihre Hyyser z blyybe. Schpöter, nach dr Wasserstoff-Explosion im Reaktorgebäud 1 rund ein Tag nach em Aerdbebe, isch d Bevelkerig im Umchrais vu zeh, noch einiges schpöter vu zwanzg Kilometer um s Chraftwärch ufgforderet wore, sich wiiter wäg in Sicherhait z bringe.

Wasserstoff-Explosione hän d Reaktorgebei vu dr Reaktore 1, 3 und 4 bschedigt. In mehrere Reaktorgebei sin Bränd uusbroche. Auch d'Becke, wo die verbruchte Brönnelemänt glageret wärde, sind bi zwene Blöck langsam überhitzt, und s'het ne Wasser vo usse müesse zuegfüert wärde, wie bi de Reaktore au.

D Dosislaischtig (d Strahledosis pro Zytainhait), wu no de Explosione vo de Reaktorgebäud 1, 3 und 4 am Zaun, wo das sehr grosse Gländ igränzt, gmässe woren isch, isch zwische 20 μSv/h un 4 μSv/h (1 µSv/h = 1 Microsievert pro Stund) glääge. No dr Explosion vum Block 2 am 15.03. um die 6.00 Uhr, wo wahrschinlich dr Sicherheitsbhälter beschädigt het, isch d Dosislaischtig am Zaun churzzytig uf iber 8.000 μSv/h (8 Millisievert) gstiige, was es 16-fach vum Gränzwärt vu 500 μSv/h bedytet., isch aber noch ere churze Zyt wider abgsunke. Schpöter, um 09:10 Uhr Ortszyt isch d Strahlig am Zaun bi 11.900 μSv/h (11,9 Millisievert) glääge. Wieder schpöter si, dismal ganz i dr Nöchi vo de Reaktorgebäud, zerscht 100.000, schpöter 400.000 μSv/h (100 resp. 400 Millisievert) gmässe worde.

S Chärnchraftwärch Fukushima I het insgsamt segs Bleck, wu drei dervu zerstert sin. Zwee wyteri sin in Blanig.

Die japanischi Regierig het beschlosse, uf lengeri Frischt us Sicherheits-Gründ us dr Kärnenergie uszschtiige, so dass die obige Date beträffend Stillleggig vo de noch funktionsfähige Reaktorblöck vo Fukushima I wohl nümm gültig si.

  Commons: Kernkraftwerk Fukushima I – Sammlig vo Multimediadateie

• Fotos der Kraftwerke Fukushima I und Fukushima II
• List of Reactors insc.anl.gov
• Nuclear and Industrial Security Agency NISA Japanische Behörde für Nukleare und Industrielle Sicherheit NISA
• Japan Atomic Industrial Forum JAIF Japanisches Atom Industrie Forum JAIF
• Tokyo Electric Power Company TEPCO Tokyo Elektrizitäts Kraft Gesellschaft TEPCO
• ODL Fukushima-I (japanisch)
• Reactor Concepts Manual Boiling Water Reactor Systems – general electric (englisch)
• Aktuelle Meldungen von der Nuklear-Katastrophe in Japan von Global 2000