Eva Aschoff

April">26. April 1900 z Göttingen; 20. Septämber 1969 z Fryburg) isch e dytschi Schrift- un Buechgstalterin gsii.

D Eva Aschoff het bim F. H. E. Schneidler an dr Chuschtakademy Stuegert gleert un derno z Minche un z Hamburg no Buechbinderi gleert. Vu 1928 bis 1964 het si ne aigeni Buechbinderwäärchstatt z Fryburg gfiert, wu si vor allem Buechumschleeg un Buntbapyyr entwoorfe het. Mer chännt si vor allem fir iri Aarbete fir dr Insel-Verlag, dr Hanser-Verlag un dr Fischer-Verlag.

In dr Gstaltig vu ire Entwiirf wird d Idee vum Gsamtchunschtwäärch dytli, derby het d Aschoff Biecher as Geegeständ zum Bruuche aagluegt un si vu dr Prachtband-Gstaltig abgwändet. D Aschoff giltet as di bekanntescht Verdrätteri vu dr Monotipy, eme Ainzelblattdruckverfaare. As Spootfolg vu dr aarbetsintensiive Noochriegszyt het d Aschoff aafangs 1960er Joor all mee gsundhaitligi Broblääm kriegt, wäge däm het si mit 64 Joor iri Wäärchstatt ändgiltig zuegmacht un het si Zyt gnuu fir ire moolerisch-graafisch Schaffe.

Wel d Aschoff d Effetligtkait, wu mit Uusstellige verbunde isch, nit gäärn ghaa het, si isch do ender schyych gsii, het di brait Effetligkait isch ire frei chinschtlerisch Wäärch nie chännegleert. Andersch isch s gsii mit ire buech- un schriftchinschtlerische Aarbete, ire Name findet mer reegelmääßig in zytgnessische Zytigs- un Zytschrifteberiicht, un des allmool in ere Zyylede mit dr wiichtigschte Schriftchinschtler*ne. Ainewääg isch d Rezäpzioon in dr Joor druf abbroche.

Dr Eva Aschoff iri Aarbete sin Dail vu dr Olga Hirsch Collection of Decorated Papers un vu dr Sammlig vum Klingspor-Museum. Deert het s Konvolut vu Buntbabyyr, derzue Schriftbletter un Yybänd zue Handschrifte vum Rudolf Spemann.

• Kunstverein, Frankfurt a. M., 1936.
• Klingspor-Museum, Offenbach a. M., 1955.
• Weltausstellung Brüssel, 1958.
• Klingspor Museum, Offenbach a. M., 1986 und 2000.

• Eva Aschoff, Buchbindekunst – gebundene Kunst. In: Gebrauchsgraphik,  Jg. 2, H. 1, 1925, S. 84, 87
• Gerhard Bonhoff, Eva Aschoff: Buchbindekunst – gebundene Kunst. In: Imprimatur, 1958/60, S. 18–26 plus 4- und 8-seitige Einlage (inkl. Foto von Eva Aschoff)
• Modern German Book Design. Uusstelligskatalog, Börsenverein des Deutschen Buchhandels, Frankfurt am Main un Klingspor-Museum, Offenbach am Main, 1959, S. 8, 26.
• Allgemeiner Anzeiger für Buchbindereien, Novämber 1969, S. 658 (Noochruef, Foto)
• Mirjam Foot: The Olga Hirsch Collection of Decorated Papers. In: The British Library Journal. 7 (1), 1981, S. 12–38. JSTOR 42554129
• Jerry Kelly, Alice Koeth: Artist and Alphabet – Twentieth Century Calligraphy and Letter Art in America. David R. Godine, Jaffrey, New Hampshire 1982, ISBN 978-1-56792-118-2, S. 123.
• Arne Wolf: Reflections on visual/verbal fusion. In: Calligraphy Review, 1990, Jg. 8, Heft 1, S. 16–24.
• Allgemeines Künstlerlexikon. K.G. Saur Verlag, München/Leipzig 1990–1992.
• Mirjam Foot: Studies in the History of Bookbinding. Scolar Press, Aldershot 1993, ISBN 978-0-85967-935-0, S. 273.
• Viviane Engelmann: Eva Aschoff – Einführung in das künstlerische Werk und Hinführung zu den Schriftblättern. Magischteraarbet, Fryburg 1993.
• Friedrich Friedl, Nicolaus Ott, Bernard Stein: Typography – when/who/how. Könemann Verlagsgesellschaft, Köln 1998.
• Die Rupprecht-Presse zu München (Auktionskatalog XLVI). Antiquariat Bibermühle, Ramsen un Antiquariat Heribert Tenschert, Rotthalmünster 2001.
• Eva Aschoff. (PDF). Klingspor Museum.

• Informatione un Aarbetsbroobe vu dr Eva Aschoff
• Biografy, Literatuur un Uusstellige