D Elisabeth Feller, wo am 3.
April">3. April 1910 z Horgen uf d Wält choo und am 12. Jänner 1973 au döört gstorben isch, isch e Schwiizer Undernäämerin gsi.
Si isch d Dochter vo dr Emma Feller geb. Richi und em Adolf Feller, wo d Firma Feller AG gründet het. Die het elektrotechnischi Sache härgstellt.
Dr Adolf Feller isch anne 1931 gstorbe, und jetz isch es a sinere Frau und der eerscht einezwänzgjöörige Elisabeth, wo Geografy und Wirtschaft studiert het, glääge, s Undernääme wyterzfüere. De beede Scheffinne isch es öppis wichtigs gsi, bsunders für d Situazioon vo den im Gschäft agstellte Fraue z luege. Drum het si verlangt, i dr Schwiiz sell me mee Chinderchrippe yrichte.
D Elisabeth Feller het sich au im ganze Land bi der Frauebewegig engaschiert. Si het ghulfe der schwiizerisch Verband vo de Gschäftsfraue gründe und ischdämm sini eerschti Presidäntin gsi. Au bi der International Federation of Business and Professional Women isch si d Presidäntin woorde, und bim Bund vo de schwiizerische Frauenverein het si au mitgmacht.
Derzue ane isch si i dr schwiizerische UNESCO-Kommission gsi.
D Schriften us iirem Nochlass sind bi der Goschteli-Stiftig.
Anne 2012 het d Gselschaft zu Fraumöischter z Züri am Sächsilüüte a die bedüütendi Gschäftsfrau gmaanet.
This article uses material from the Wikipedia Alemannisch article Elisabeth Feller, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.