Arabische Buechstabe Ain
ʿAyn oder ʿAin ( عين ) isch de 18.
Buechstabe im arabische Alphabet und het de Zaalwert 70. Entstande isch er usem phönizische Ajin und drum verwandt mitem latinische O, em griechische Omikron und em hebräische Ajin.
Luutwert und Umschrift
Arabisch
Im Arabische stoot s Ayn för de stimmhafti pharyngali Frikativ (IPA: /ʕ/) und het kai Entsprechig i europäische Sprooche. I de DMG-Umschrift wer er mit eme Bögli (ʿ) transkribiert, wo geg rechts offen isch. I Domainnäme und Internetfore werd da Zaiche recht vill mit de Zaal "3" gschribe.
S Ayn isch e Moobuechstabe, da haisst de Artikel al- werd nöd transkribiert: al-ʿayn »s Auge; d Quele«.
Persisch
Im Persische stönd s Ayn und s Hamza fö de Knackluut (IPA: /ʔ/), wo im Alemannische vor hässige Flüech vorchunnt: "ʔesəl!" oder "ʔaff!" und im Hochtütsche normal vor jedem Wort, wo miteme Vokal afangt, bsunders tütli aber i de Wortfuege, wie "Seeʔadler". De Luut werd im Arabische nume mit em Hamza gschribe.
Unicode
| Unicode Codepoint | U+0639 |
|---|---|
| Unicode-Name | ARABIC LETTER AIN |
| HTML | ع |
| ISO 8859-6 | 0xd9 |
Für die Transkription:
| Unicode Codepoint | U+02BF |
|---|---|
| Unicode-Name | MODIFIER LETTER LEFT HALF RING |
| HTML | ʿ |
This article uses material from the Wikipedia Alemannisch article Ain (Arabischer Buchstabe), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.