Ta keintys thoanney ny bwoideeaght hoanney çheet er cur stiagh ny puttey yn woid çhionn stiagh ayns thoyn deinney son taitnyssid cheintyssagh.
Ta sorçhyn elley jeh keintys thoanney goaill stiagh mairaghey, ymmyd gaihyn keintyssagh son towlley thoanney, keintys beill ta jeant er y thoyn (anilingus), as staikey. Ga dy vel keintys thoanney çheet er towlley bwoiddagh–thoanney son y chooid smoo, ta feanishyn gymmydey bwoiddeeaght hoaney keayrtyn dy chur sheese dy liehlagh er towlley bwoiddagh–thoanney, as keintys thoanney dy chur sheese er sorçh erbee jeh roortys keintyssagh thoanney eddyr deiney, goaill magh laue-chooilleeney thoaney.
Ga dy vel keintys thoanney kianglt rish y homocheintyssaght irryn, ta ronsaghyn magh taishbyney nagh vel dagh fer aeragh cliaghtey keintys thoanney as dy vel eh cadjin ayns cleuinyssyn hetracheintyssagh chammah. Ta sorçhyn jeh'n cheintys thoanney cliaghtit chammah ec lesbee. Foddee deiney taitnyssid y ennaghtyn voish keintys thoanney liorish greinney ny king nearragagh hoanney, as foddee attys y gheddyn liorish towlley thoanney – liorish greinney neuyeeragh y trellag phrostaitagh ayns fir, liorish greinney neuyeeragh y vrillane ny ard yn ine (ta goll er enney myr y spot-G) ayns mraane, as nearrooyn keeallagh elley (goaill stiagh y nearroo pudendagh). Ansherbee, foddee deiney smooinaghtyn dy vel y keintys thoanney guinnagh. Foddee dy vel y smooinnaght shen bunnit er cooishyn shicklaagagh ayns cooishyn ennagh.
This article uses material from the Wikipedia Gaelg article Keintys thoanney, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaelg (DUHOCTRUNGQUOC.VN) is an independent company and has no affiliation with Wiki Foundation.