Page:Kutenai Tales.djvu/65

Nʼasma′łne· na′x̣ₐne·. at ts!ιna′x̣e· na′x̣ₐne·. sa].nιłwi′yne· skι′n·ku·ts. qałwi′yne· tsx̣ałʼu′pił neᵢs na′x̣ₐne·s. qake′ᵢne· skι′n·ku·ts\: "qa′psin at skiłwunikι′tᵢne·?" qake′ᵢne· na′x̣eₐne·: "at husiłʼι′kᵢne· ktsaqu′na tsa′hał at husłaqałwa‵sιłsι′kᵢne·." nʽipι′łne· skι′n·ku·ts neᵢs na′x̣ₐne·ʼs. łaska′x̣e· skι′n·ku·ts· qaox̣ałtιnax̣a′mne· neᵢs aₐʽkit.ła.ι′se·s. nʼι′pᵢne· na′x̣ₐne·. nʼiła′n·e· skι′n·ku·ts. qake′ᵢne· "ma kutsła′keᵢł ka′swu." ta′x̣as.

Ku′pi sakiła′yne· łkamnι′nta′ke·s. qake′ᵢne· skι′n·ku·ts: "hutsx̣ałʼι′n·e· łka′m·u." nʼιła′n·e· skι′n·ku·ts tsiłmiyι′t.se·. qakiłι′łne·: "hιnsa·nłux̣łitι′tᵢne·, to′x̣wałιntkayax̣ni′sᵢne· ku′pi." qanałqunyax̣a′łne· skι′n·ku·ts. qa·wax̣mitι′łne· aₐʽk!ałax̣we′et.s. qanałtsukᵘata′pse· ku′piʼs, ts!ιnałkna′pse·. qake′ᵢne·: "hunʼι′n·e· skι′n·ku·ts." qakι′łne· ku′piʼs: "huła‵qwiłna′ła." naqwi′łne· skι′n·ku·ts a′ₐ·ke ku′pi. skι′n·ku·ts nʼipι′łne· neᵢs ku′pis. k.łaa′yne· łkamnιʼnta′ke·s. łats!ιna′x̣e·. qake′ᵢne·: "hunʼipι′łne· ku′pi." ta′x̣a.

Qa·na′x̣e·. nʼu′px̣ₐne· tsu′pqaʼs. qałwi′yne· ktsx̣ałmi′tx̣a. nałomi′se·, słʼoneła′pse· neᵢs qakι′n·e·. łats!ιna′x̣e· qawιsqa′pse· nʼιsqawitsła′ʼmse·. qake′ᵢne· skι′n·ku·ts: "k!ιsιnyu′kᵘa^[1]tιtu′ʼne·s?" qake′ᵢne· neᵢ qa′psin: "qa′psin? kinq!akpa′mek neᵢ kinι′płap?" qake′ᵢne· skι′n·ku·ts: "huqᵘałwi′yne· pał ke′ło· qa′psin." ta′x̣as.

Kt!amu′x̣o·ł (Drum) ka′qwιł (dance) tι′tqa·t!ts (men and) pa′łkeᵢ (women) kałqok!ałma′x̣nam. (kiss.) namatιktsι′łne· (They are given) se·′ιt!s. (blankets.) łaa′k!łaₐk (Another one) nałqok!ałmax̣a′łne·. (is kissed.) namatιktsι′łne· (They are given) yunaqa′ₐne· (many) qa′psin. (things.)

Nʼitιt.łana′mne· (They build a tent) tsx̣ałhanqux̣o′ᵤłne· (will be Sun dance.) ts!ιsιn·ιnqux̣onałka′ʼne· (The Sun-dance leader) na′ksaq. (is master.)