Page:Kutenai Tales.djvu/61

łιnaqa′pse· katitu′mił." qak.ła′pse·: "naqa′pse· tιtu′e·s. nʼιpłapsι′sᵢne· k.ła′włas tιtu′e·s qo·s sakq!yułe.ι′t.se·." kanmi′yιt ts!ιna′x̣e· tsa′kaps. łax̣a′x̣e· k.ła′wła. qakι′łne·: "kaₐ kinaqa′ke·?" qake′ᵢne·: "huts!upłι′sᵢne·." qake′ᵢne·: "mι′tx̣anʼ!" mι′tx̣ₐne· tsa′kaps aₐʽkιts!ła′e·ns. snax̣u′se: qakι′łne·: "ts!ι′nan." ts!ιna′x̣e· k.ła′wła aₐʽkoq!yułe′et.s. łax̣a′x̣e·. nʼιtwιsqa′ₐne· k.ła′wła. wιł·e.ι′t.se· mιtx̣a′łne· k.ła′wła. nʼipiłι′łne·. qaox̣a′x̣e· tsa′kaps. nʼomι′tsqₐne·. tsukᵘa′te· tιtu′e·s aₐʽkuq!łamʼι′se·s. ts!ιna′x̣e· łax̣a′x̣e· aₐʽkoq!yułe′et.s. qake′ᵢne·: "k.ła′wła, ła′n·a, huts!upłι′sᵢne·." ts!ιna′x̣e· k.ła′wła. łax̣a′x̣e·. qake′ᵢne·: "qa′psin?" qake′ᵢne· tsa′kaps: "huts!upłι′sᵢne·." qake′ᵢne. k.ła′wła: "mι′tx̣anʼ aₐʽkιts!ła′e·n." mι′tx̣ₐne·; snax̣u′ne· aₐʽkιts!ła′en. qake′ᵢne· k.ła′wła: "maₐts huts!upłι′sᵢne· tsa′kaps." qake′ᵢne·: "huts!upłι′sᵢne·." qakι′łne· k.ła′włas: "łu′n·u." ts!ιna′x̣e· k.ła′wła aₐʽkoq!yułe′et.s. nʼitwιsqa′ₐne·. mitx̣a′łne·. nʼipiłι′łne·. ts!ιna′x̣e· tsa′kaps. tsi′k!qₐne· tsukᵘa′te· aₐʽkoq!łamʼι′se·s. łats!ιna′x̣e· aₐʽkιt.ła′e·s. qaosaqaₐ′ne·. kanmi′yιt.s qakι′łne· ałιtskι′łʼe·s: "hułuqᵤnanyała′e·s." tax̣as ts!ιna′x̣e·. wat!a′x̣e·.

Qaosaqa′ₐne· wa′tak. tιte′e·s q!u′tsats. nʼiła′ne· q!u′tsa·ts, nuwa′sᵢne·. qak.ła′pse· tιte′e·s: "aₐʽkιnux̣o′ᵤnuk ts!ι′naʼ łe′ʼne·." k.ła′x̣am q!u′tsa·ts naqa′pse· q!u′łwa. nałx̣o′ᵤne· na′ʼheks. ta′x̣as tsukᵘa′te·. nʼuk!ᵘniłoqoᵤx̣a′ʼnte·. ta′x̣as nʼιt!qa′pse· aₐq!una′ₐwoᵤk. qaosaqa′ₐne· q!u′tsa·ts. nułpa′łne· ku′pis, t!ało′kse·: "ła′n·a." ta′x̣as ts!ιna′se· aₐqa′t!aks q!u′tsa·ts yaₐqaosaqa′ₐke·. qake′ᵢne· ku′pi: "hutsx̣ałts!ιnax̣ała.ι′sᵢne· ma′ʼne·s." qake′ᵢne· q!u′tsa·ts: "wa′ha, pι′k!aks ι′pᵢne· ka′ma." nʼonι′łne· q!u′tsa·ts. qałwi′yne·: "ktsx̣ałʼι′płaps."^[1] qake′ᵢne· q!u′tsa·ts: "manwitsi′yinʼ." k!okᵘina′ₐne· (?) ku′pi: "ts!upnaqłι′łenʼ." łaqanałts!ιna′x̣e· q!u′tsa·ts. neᵢs qaqana′ₐne· ku′pi. yu·k!kaka′te· ta′x̣a neᵢ q!u′tsa·ts pał k.łats!ι′nam aₐʽkιt.ła.ι′se·s tιte′e·s. ta′x̣as łatιnax̣a′ʼmne·. qakι′łne· tιtu′e·s: "tsx̣ałʼιpła′pne·. ιt.łatsu′to." qake′ᵢne· wa′tak. qake′ᵢne·: "qa′psin kułʼι′tkin?" qanałtsukᵘa′te· neᵢ wa′tak tιte′e·s. nʼoqoᵤnaqkι′n·e wo′q!ka·ʼs. nʼι′pᵢne· q!u′tsa·ts.