願榮光歸香港: 2019年香港反修例運動嘅代表性歌曲

歌名中嘅「榮光」解作榮譽、光彩，出自唐代詩人李白《大獵賦》、清代學者王琦同基督教：

喺現代日語同韓語中仍保留「榮光」一詞：日文：栄光／えいこう；韓文：영광／榮光。

2019年6月，香港爆發反修例風波，抗爭活動持續到2020年。同年8月，一首由一班網民自發合力創作，名為《願榮光歸香港》嘅抗爭者進行曲喺網上流傳。作品歌詞嘅意涵可解釋為：香港呢片土地發生令人流淚同憤怒嘅事情後，人民為咗公義而拒絕沉默，並選擇唔再退縮，香港人有勇氣同智慧可以渡過黑暗時刻，走到「光復香港，時代革命，民主自由永不朽」嘅未來。

由來

2019年6月，香港發起咗反對逃犯條例修訂草案運動（又稱反送中，有意思係：反送終）。呢首歌嘅其中一個創作人Thomas開始認為示威者喺街度唱《海闊天空》同埋《光輝歲月》雖然可以引起大家嘅共鳴，但係旋律上唔係幾夾當時嘅氣氛，所以就開始考慮創作一首新嘅抗爭歌。

編曲過程

同一般嘅歌唔同，Thomas認為呢首歌應該以古典音樂為基礎。所以 Thomas 製作嘅時候參考咗一啲外國音樂，例如英國國歌《天佑吾王》，美國國歌《星條旗》、《俄羅斯聯邦國歌》、美國愛國歌《共和國戰歌》以及基督讚美詩《榮歸主頌》等等。《願榮光歸香港》嘅旋律亦考慮咗重拍嘅節奏感，所以呢首歌嘅旋律係類似古典音樂。

填詞

Thomas 用咗大概兩個月嘅時間整歌之後，就開始填詞，佢第一個讀到嘅就係「我願榮光歸香港」，所以呢個就變成首歌嘅最後一句，佢認為呢句有兩個意思：

1. 展望未來，希望香港可以變返做大家心目中嘅光榮、榮耀嘅城市；
2. 希望香港人願意將自己個人嘅榮耀同埋光榮歸予香港。

首歌推出後，出現過幾個版本嘅英文歌詞，最終由原作者「Thomas dgx yhl」喺9月24號推出正式英文版。另外亦有人填咗德文、日文、荷蘭文、法文等語言嘅歌詞。

加泰文版本喺一次加泰隆尼亞聲援香港嘅集會亦出現咗。

• 《肥媽有話兒》
• 和你唱