鍾露玲(Joan Lorring;1926年4月17號—2014年5月30號,本名Madeline Ellis),係美國電影女演員,1944年到1981年活躍,憑1945年電影《前程萬里》(The Corn is Green)攞過奧斯卡最佳女配角獎提名。
鍾露玲係喺香港出世嘅西人,1939年佢屋企因為驚日本人打到嚟香港,成家移民過美國加州三藩市。
鍾露玲喺1945年嘅電影《The Corn Is Green》首次亮相,齣戲係演員比提戴維斯主演。喺片入面,飾演後生女礦工嘅鍾露玲,被提名 奧斯卡金像獎最佳女配角同國家評論協會獎(英文:National Board of Review Award),係最年輕嘅提名人之一,齣戲同時又幫佢贏到紐約影評人協會獎(英文:New York Film Critics Circle Award)最佳女配角獎。之後,佢演出咗好多部戲,包括《Three Strangers》(1946)、《The Verdict》(1946)同《The Big Night》(1951) 。
喺50年代,鍾露玲開始喺舞台劇演出,重喺百老匯劇場有出色表現。佢嚮舞台劇《Come Back, Little Sheba》(1950)入面嘅演出為佢贏到Donaldson Award最出色首次亮相女新人獎(英文:Most Outstanding Female Debut)同東尼獎(英文:Tony Awards)提名。
This article uses material from the Wikipedia 粵語 article 鍾露玲, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.